Nimlivolivon 24:11 - Seysyo No Tao

¹¹ Jyabo mo kaji makatenngan do mina vazay ko no kangay ko a meynozi do Yelosaleng a.

Nimlivolivon 24:11 ပူးပေါင်းရင်းမြစ်များ

Nimlivolivon 21:18

Ikadwa na araw am macihza namen ji Pawlo a mangay tomita si Yake. O panipanirsirngen rana do kyokay am amyan sira dang.

Nimlivolivon 22:30

Ikongo do kakzeben na no panirsirngen da no itaysang o kapakateneng na do oyyan da ni Pawlo no tao do Yotay, am ori o niovayan na so nivaod da sya do ikadwa na araw a kalovot na so panipanirsirngen no mapatanatanang so nakem da si Ama ta do to a kano macipeykaygi jira a kamanrarakehan a kapowbot da si Pawlo a patanken do tangain da.

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 23:23

Am ori o nipanara na no panirsirngen no itaysang so rarwa ka lamlamsoy na. Maniring jira am, “Meykala kamo so adwa poo (200) a itaysang a kano kakapitwan (70) a omavang do baka a itaysang a kapeykala nyo pa so adwa poo (200) a meycinalolot a macihza jira. Ta simahep do ikasyam no toki am yangay nyo si Pawlo do Kaysadiya,

Nimlivolivon 24:1

Ikalima na araw am o panirsirngen no mapatanatanang so nakem da si Ama ta do to a meyngaran so Ananiya kano aro a kamanrarakehan a kano meyngaran si Tetolo a mapacicici a nimai do Kaysadiya kangay da do kabtekan da panirsirngen a meyngaran so Veydise a manci no karatan ni Pawlo.

Nimlivolivon 24:17

“Yarana meyyawawan o ko nikarwan do Yelosaleng. Am o ko nipeysinaoli a mangay do Yelosaleng am ko yangay o kingking da no akma koy kakteh do cinai a da isidong so tao do Yelosaleng. So nyangay ko pa do rako a panaralayan a mapatanang so nakem ko si Ama ta do to.