Nimlivolivon 24:1 - Seysyo No Tao

¹ Ikalima na araw am o panirsirngen no mapatanatanang so nakem da si Ama ta do to a meyngaran so Ananiya kano aro a kamanrarakehan a kano meyngaran si Tetolo a mapacicici a nimai do Kaysadiya kangay da do kabtekan da panirsirngen a meyngaran so Veydise a manci no karatan ni Pawlo.

Nimlivolivon 24:1 ပူးပေါင်းရင်းမြစ်များ

Nimlivolivon 12:21

O araw no nipancyan na nira am meyyaywayob rana so ayob no panirsirngen amlisna do lilisnan no panirsirngen a kapangononong na do aro a tao.

Nimlivolivon 21:27

Makeykai rana komavos o ikapito na araw am amyan so tao do Yotay apo do Yasiya a nimakacita si Pawlo do rako a panaralayan. Karahan am manara sira so aro a tao a kapeyvonag da sira. Ori o nirakpan da si Pawlo.

Nimlivolivon 23:2

Mamizing na no panirsirngen da no mapatanatanang so nakem da si Ama ta do to a meyngaran so Ananiya am manara so tao a somiplang so ngoso ni Pawlo.

Nimlivolivon 23:24

a kapeykala nyo ni Pawlo so avangan na baka a kapacihza nyo jya a rarayan a mangay ji Veydise a kabtekan ta panirsirngen.”

Nimlivolivon 23:30

Mamizing ko o keyyan no amvovo jya wakwaken am ori o ko peyteygamyan nimo a omzat jya. O ko nipanci do tao do Yotay am, ‘Mangay kamo pa do kabtekan ta panirsirngen a manci no agagazan no yanyo nirakpan si Pawlo.’ ”

Nimlivolivon 23:33

Makaranes sira do Kaysadiya am itoro da rana o teygami do kabtekan da panirsirngen a katoro da ni Pawlo jya.

Nimlivolivon 23:35

Maniring am, “Si makaranes rana sira o tao a yamraherahet jimo am pacicin ko imo.” Meyratateng am ipanci na o itaysang a amzat jya do vahay no mina panirsirngen da a meyngaran so Helote.

Nimlivolivon 24:11

Jyabo mo kaji makatenngan do mina vazay ko no kangay ko a meynozi do Yelosaleng a.

Nimlivolivon 24:2

Karahan am powboten da si Pawlo do pacicicyan a kapanci na no aro a karatan na ni Pawlo ni Tetolo. Maniring am, “Mo Veydise a panirsirngen, imo rana am yaka tey mateneng a mimong nyamen. Am ori o namen ikapiya do keymiminili namen. Yaro yapiya vazay mo do keymiminili namen.

Nimlivolivon 25:15

No kangay ko do Yelosaleng am amyan so ciring a niraherahet da sya no panipanirsirngen no mapatanatanang so nakem da si Ama ta do to a kano kamanrarakehan da no tao do Yotay. Ipanci da yaken a omzakat sya.

Nimlivolivon 25:2

O panipanirsirngen da rana no mapatanatanang so nakem da si Ama ta do to a kano kamanrarakehan da no tao do Yotay am mangononong sira so malas a iraherahet da si Pawlo,

1 Kedinto 2:1

No kangay ko pa jinyo no kakwa pa am ji ko nipatwaw o makdeng a ciriciring ko jinyo a kano teneteneng ko a inanao ko jinyo no kapeylimwang ko no ciriciring na ni Ama ta do to jinyo.

1 Kedinto 2:4

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya.