Nimlivolivon 23:9 - Seysyo No Tao

⁹ So nikarakorako pa no ilololosan da. So nipeytatanek da no karwan da no tao a macyagom do Vadisay a mangnanao no iwawalam ni Ama ta do to. Maniring sira am, “Namen jyakala o na karatan no tao eya. Tana yamyan so tinsi a kano pahad a macisirsiring jya am ta karatan nya.”

Nimlivolivon 23:9 ပူးပေါင်းရင်းမြစ်များ

Make 2:16

Macita da si Yeso no tao a macyagom do Vadisay a mangnanao no iwawalam ni Ama ta do to a macihanghang do meyraraten a tao am ahesen da rana sira o macinanao jya. Maniring sira am, “Ikongo na ipacihanghang do mapeyvazay so deyking a kano aro a yameyraraten a tao ang.”

Locya 23:22

Ipitlo na sira pacicin ni Pilato am ipanci na jira o, “Ikeykongo raraten na no nya. Jyabo ko kapakakala so iwakwak ta sya raraten na. Am ori o pancyan ko no tao a somipsipzot jya kapasaway ko na sya.”

Locya 23:4

Meyratateng am ipanci na ni Pilato do panipanirsirngen da no mapatanatanang so nakem da si Ama ta do to a kano aro a tao. Maniring am, “Ko ji makakala so yamakdeng a raraten no tao eya.”

Locya 5:30

Ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. Am ori o nipancyan da nya do macinanao ji Yeso so, “Ikongo nyo ipacihanghang do mangangap so deyking a kano aro a meyraraten a tao.”

Yowani 12:29

Mamizing da o ciring ori no aro a tao am maniring sira am, “Ori am nimeykadey.” Am maniring o kadwan jira am, “Yamyan so tinsi a yanimacisirsiring jya.”

Nimlivolivon 11:17

So nikanoyong ni Ama ta do to a yatomoro no Seyzi do beken a tao do Yotay, akman jyaten a nipanta na so Seyzi no kanoyong ta ji Yeso Kizisto a Panirsirngen ta. A yako ikongo a kato ko makazazatan do vazay ni Ama ta do to.”

Nimlivolivon 22:6

“Tod ko a ji makaranes do Tamaseke do peyignan no araw am to ngyan so mazngang apo do teyngato a tomiray jyaken.

Nimlivolivon 22:7

Am ori o nikavazakwang ko do teyrahem. Karahan am amyan so ciring. Maniring am, ‘Mo Sawlo, mo Sawlo, ikongo yamo pakakasyan jyaken.’

Nimlivolivon 23:29

O nioyyan da nya am ipanci da o kaji na ngapan no iwawalam da no tao do Yotay. Am ko jyatenngi o peypeypangayan no da wakwakan sya, da aptengan sya.

Nimlivolivon 23:8

Ta ji da nganoyngi no tao a macyagom do Satokay o keypirwa da mavyay no nimawakwak a tao. Ji da nganoyngi o keyyan no tinsi a kano keyyan no pahad no tao. Am o tao a macyagom do Vadisay am miminen da ori a anoyngan.

Nimlivolivon 25:25

Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma.

Nimlivolivon 26:31

Amyan rana sira do pantaw am maniring sira do kadwan jira am, “Ikongo peypeypangayan no kato tamtengan sya, kato ta wakwakan sya.”

Nimlivolivon 27:23

Ta si Ama ta do to rana a yako iraralay am nimanovoy so tinsi na no kamahep a yamanci nya jyaken. Yamaniring jyaken am,

Nimlivolivon 5:39

Am no apo ji Ama ta do to am jyabo kapakaharag ta sira a. Ta o vazay ta rana am ta akmey to maciliman ji Ama ta do to.” So nyamizngan da so ciring na ni Cyamadi.

Nimlivolivon 9:4

Am ori o nikavazakwang na do teyrahem a kapakamizing na so macisirsiring jya. Maniring am, “Sawlo, Sawlo, ikongo mo pakakasyan jyaken.”

1 Kedinto 10:22

Manngwa, tamo manoyong a yamapasozi si Yeso a Panirsirngen ta? Manngwa, tamo mowyowyat pa kani Yeso?