Nimlivolivon 23:6 - Seysyo No Tao

⁶ To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 23:6 ပူးပေါင်းရင်းမြစ်များ

Matay 10:16

“Amizngen nyo an, ta akma kamoy kagling a ko tovoin do kokoman so tao. Am ori o ipeytataziman nyo a makapiya so nakenakem jira.

Matay 22:23

Araw no nang am o ji nganoyong do keypirwa mavyay no tao a macyagom do Satokay am mangay sira ji Yeso. Maniring sira jya am,

Matay 3:7

Macita ni Yowani o aro a tao a macyagom do Vadisay a kano macyagom do Satokay a mai a manci ni Yowani a tomaktak jira am pamizngen na sira. Maniring jira am, “Inyo a yakmey mavowaw, sino ipanci jinyo o yanyo katayo no oyaoya na ninyo ni Ama ta do to.

Nimlivolivon 22:3

“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta.

Nimlivolivon 22:30

Ikongo do kakzeben na no panirsirngen da no itaysang o kapakateneng na do oyyan da ni Pawlo no tao do Yotay, am ori o niovayan na so nivaod da sya do ikadwa na araw a kalovot na so panipanirsirngen no mapatanatanang so nakem da si Ama ta do to a kano macipeykaygi jira a kamanrarakehan a kapowbot da si Pawlo a patanken do tangain da.

Nimlivolivon 22:5

To nyo mancyan do panirsirngen da no mapatanatanang so nakem da si Ama ta do to a kano kamanrarakehan, ta sira ang o nimakacita jyaken a nimanta nyaken so teygami a mangay do Tamaseke a omya jyaken a omrakep so amraralay ni Yeso a tao a yangay do Yelosaleng a bakbakan.

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 23:15

Inyo rana panipanirsirngen am ipanci nyo o panirsirngen no itaysang no Loma a mai ni Pawlo do jya, akma nyoy pacicin a komala so karatan na. A yamen am avatan namen do jya wakwaken si mai do jya.”

Nimlivolivon 23:20

Maniring am, “Da nipeysirisiring no tao do Yotay o kapya mo si Pawlo simaraw a mangay do rako a peykeykaygyan, akma dey pacicin.

Nimlivolivon 23:7

Kapakamizing da so ciring ni Pawlo am meygalagalagal sira o tao a macyagom do Vadisay a kano macyagom do Satokay. So nipeykadwa no nakenakem da a ji macipaswasovoy do kadwan jira.

Nimlivolivon 24:15

Ko akman sira yaomanoyong do keypirwa da mavyay no nimawakwak rana tao, tana marahet a tana yapya so vazay a tao am to sira meyyangangay a mirwa mavyay.

Nimlivolivon 24:21

Ko naknakmen am yakmey yasa da pacioyyan jyaken, do mina kapanci ko no kanoyong ko do keypirwa no nimawakwak a tao a mavyay.”

Nimlivolivon 28:20

Am ori o ko kakzeban jinyo a yapacisirsirngan. Ta o da nivaodan jyaken am yaomagaz do ko kanoyong ji Yeso Kizisto a yarana mownay a da pananalahen no Isedi a tao.”

Veydipi 3:5

Kawao araw ko pa nimatazak a tao am niyongkadan da na yaken no iweywawalam ta. Ta manoyong ko a Isedi a tao a macitetngehan ji Penyaming. So ikanoyong ko a macikownongan do Sipolay a tao. No hapen ta do iwawalam ta tao do Yotay am makdekdeng ko pa a mangozay jya, do kapacitetngehan ko do tao a macyagom do Vadisay.

Kelosi 1:5

Ta no kavavayo nyo pa nimakamizing so Mapasaray a Ciriciring na ni Ama ta do to am to nyo na nganoyngi o itoro na jinyo ni Ama ta do to do teyngato.

Sipolay 6:19

Yamyan rana jyaten so yata ipeyhanhan. So icyakma ney nitkehnan a lalitan no pahad ta, yarana jyagonagonay a meypangay nyaten do tangain na ni Ama ta do to.