Nimlivolivon 23:35 - Seysyo No Tao

³⁵ Maniring am, “Si makaranes rana sira o tao a yamraherahet jimo am pacicin ko imo.” Meyratateng am ipanci na o itaysang a amzat jya do vahay no mina panirsirngen da a meyngaran so Helote.

Nimlivolivon 23:35 ပူးပေါင်းရင်းမြစ်များ

Matay 2:1

No kapeypanirsirngen da pa si Helote am matazak a tao si Yeso do Podiheng a ili do Yotay. O manitanita rana so mata no hanit a nimapo do teyhesa ka ili am mangay sira do Yelosaleng.

Matay 2:16

Katenngan ni Helote o kanimlita da jya no manitanita so mata no hanit am meyoyaoya. Am ori o nipanovoy na so itaysang a mangay omwakwak so anak da mahakay a mablit rana adwa so kakawakawan a kano jyablit pa so ikadwa so kakawakawan a minalikey do Podiheng a kado peycyeylilyan na, do gazagazan na so araraw no nipakacittan da so mata no hanit.

Matay 2:3

Mamizing na no panirsirngen a meyngaran si Helote am marahet o onowned na. Akman sang sira o tao do Yelosaleng a mamogaw.

Matay 27:27

O imong ni Pilato a itaysang no Loma am yangay da na si Yeso do pantaw no vahay ni Pilato a limoten.

Yowani 18:28

Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira.

Nimlivolivon 23:30

Mamizing ko o keyyan no amvovo jya wakwaken am ori o ko peyteygamyan nimo a omzat jya. O ko nipanci do tao do Yotay am, ‘Mangay kamo pa do kabtekan ta panirsirngen a manci no agagazan no yanyo nirakpan si Pawlo.’ ”

Nimlivolivon 24:1

Ikalima na araw am o panirsirngen no mapatanatanang so nakem da si Ama ta do to a meyngaran so Ananiya kano aro a kamanrarakehan a kano meyngaran si Tetolo a mapacicici a nimai do Kaysadiya kangay da do kabtekan da panirsirngen a meyngaran so Veydise a manci no karatan ni Pawlo.

Nimlivolivon 24:10

No kano nang am nipya na ni Veydise si Pawlo a manci no kanoyngan na. Maniring si Pawlo am, “Ko katenngan imo a yarana meyyawawan a yatomalamozong no pongso ta ya. Am ori o ko sarayan nimo a pacisirsirngan a yamanci no kabo no karatan ko.

Nimlivolivon 24:19

No kanang am amyan do dang so tao do Yotay a apo do Yasiya. Inaoy no yasira myan do jya a manci no karatan ko.

Nimlivolivon 24:22

Si Veydise rana am katenngan na o vazay da no amraralay ni Yeso. Am ori o ji na nimyai rana so tao a meyzezyak. Maniring do mangamizing a tao am, “Nanalahen ta pa o panirsirngen no itaysang a meyngaran so Disiya a kapacici ko na jimo.”

Nimlivolivon 24:23

Karahan am ipanci na o itaysang a amzat ji Pawlo a kapya da so kagagan na tomazogaw nya. So ji da nimvaoji pa sya no kanang.

Nimlivolivon 25:16

Am maniring ko jira am, ‘No pangozayan o iwawalam no tao do Loma am no jya nipacici pa kabo no asa ka ciring a nipanci na a omagaz do karatan na am masalit o kato wakwakan so akman sang a tao.’