Nimlivolivon 21:8 - Seysyo No Tao

⁸ Ikadwa na araw am karwan namen rana dang a mangay do Kaysadiya. So nirateng namen do vahay ni Veydipo. Iya rana am vazay na o kapeylimwang na no Mapasaray a Ciriciring na ni Ama ta do to. Iya rana am ikapapito da no nipamnekan da a somidong so vazay do kyokay do Yelosaleng no kakwa. Karahan am misan namen do dang.

Nimlivolivon 21:8 ပူးပေါင်းရင်းမြစ်များ

Nimlivolivon 10:1

Amyan so asa ka tao do Kaysadiya a ili a meyngaran si Kenaylyo a panirsirngen da no asa lipenpenan a itaysang do Itadi.

Nimlivolivon 16:10

Macita na ni Pawlo o akmey tateynep am ori o nikakeykai namen rana a nimangay do Maciton. Ta katenngan namen si Ama ta do to a manci nyamen a mangay meylimwang no Mapasaray a Ciriciring na do tao do dang.

Nimlivolivon 16:13

Ipeywalam no tao am mangay namen do ayo do siri no ili da, ta nimamizing namen do dang o angayan da meynozi no tao do Yotay. Makaranes namen dang am nanawen namen sira o aro a mavakes a nimalovot dang.

Nimlivolivon 16:16

Ipisa am mangay namen do ayo a meynozi am amyan so nimasinmo namen do rarahan a mavakes a lamlamsoy da. Mahaw na o vazay no makwa, ta nikovotan no kalamsoyan ni Satan. So ikaro no mahap na nizpi a itoro do mapeylamlamsoy sya a tao.

Nimlivolivon 18:22

Makaranes si Pawlo do Kaysadiya am mangay do Yelosaleng a tomita so akma ney kakteh do cinai a kangay na rana do Antia.

Nimlivolivon 20:13

Nimanmanma namen a omavang do avang a mangay do Aso. Si Pawlo am to mangonong do rarahan. Ipanci na o kangay namen masinsinmo do Aso a ili.

Nimlivolivon 20:6

Mahatas rana o nipamaring da so kanen do yakan da so ji nimimway a pang am nimapo namen do Veydipi. Kalima araw namen a niomavang do avang am makaranes namen do Teloya. So nipakacita namen rana so kararay namen a nimanmanma a nimangay. Karahan am misan namen do dang so kapito araw.

Nimlivolivon 21:16

Amyan so apo do Kaysadiya a sinjya a macilolo jyamen a kangay da nyamen do vahay na ni Nason a tao do Saypolose pongso. Iya rana am nimeycicinda amraralay ni Yeso Kizisto.

Nimlivolivon 23:23

Am ori o nipanara na no panirsirngen no itaysang so rarwa ka lamlamsoy na. Maniring jira am, “Meykala kamo so adwa poo (200) a itaysang a kano kakapitwan (70) a omavang do baka a itaysang a kapeykala nyo pa so adwa poo (200) a meycinalolot a macihza jira. Ta simahep do ikasyam no toki am yangay nyo si Pawlo do Kaysadiya,

Nimlivolivon 27:1

Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.

Nimlivolivon 28:11

Mavitos rana o katlo a vehan am mavang namen do asa ka avang apo do Yadisanta a nimanbong dang do karahet no kakawan do ahemyan. O avang rana ori am ngaranan da so Adwa ka tao do to.

Nimlivolivon 28:16

Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 9:30

Katenngan da no akma ney kakteh do cinai o akman sang a vazay am yangay da do Kaysadiya katovoy da sya mangay rana do meyngongyod a ili da do Tasose.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.