Nimlivolivon 21:22 - Seysyo No Tao

²² No si mamizing da imo no tao do Yotay a nimai do jya a kai da do jya mapacici jyamen am ikongo ipasapa namen jira.

Nimlivolivon 21:22 ပူးပေါင်းရင်းမြစ်များ

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 19:32

No kanang am amlololos sira o aro a tao a meyzavozavoz so ciriciring. So ikaro no ji makateneng jya tao do agagazan no kalovot da do dang.

Nimlivolivon 21:21

Mamizing da imo a nimangnanao so tao do Yotay a meyili do beken a ili da no tao do Yotay am nipanci mo kono o kataosya da so iwawalam ni Moyse. Nipanci mo kono o kataosya da rana so kayongkad do kanakan.

Nimlivolivon 21:23

Hapen mo o ciring namen jimo an. Amyan so papat a ka tao a nimyan so ciring ji Ama ta do to.

1 Kedinto 14:15

No akman sang am makongo so wanjin. No meynozi ko am meynozi o onowned ko a kano akman sang a aktokto ko a meynozi. Akman sang no meyyanwanood ko.