Nimlivolivon 21:13 - Seysyo No Tao

¹³ Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Nimlivolivon 21:13 ပူးပေါင်းရင်းမြစ်များ

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 20:37

So nikamimin da meycyalavilavi a komopkop si Pawlo adkanan a taitaiden,

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

1 Kedinto 15:31

Manga kakteh, ko mangday so araraw a yatoda jyangangay so inawan. Yamanoyong ori o ciring ko jinyo an. Ta yako tey saray nyo kapacikaop rana ji Yeso Kizisto a Panirsirngen ta.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:26

Yateywara o apapaw na jinyo. Na ikarahet no onowned o nyo kapakamizing sya yameyngen so kataotao.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

2 Timotay 1:4

Ta ko manakem o kato mo na meykaooi asyo a pacisyayan ko. So ko toda ji ngamogi so kakeykai ko a makacita jimo. Ta jyabo kaji ko narayan a makacita jimo a.

2 Timotay 4:6

Yaken rana am yako rana makeykai a mangay ji Ama ta do to. So ikanoyong ko rana a na ahapen ni Ama ta do to do teyngato.

2 Pite 1:14

Ko na makazazap o kakeykai na rana no kataotao ko a komaro do karawan, do kanimapaziman na rana sya jyaken ni Yeso Kizisto.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 3:10

Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.