Nimlivolivon 20:7 - Seysyo No Tao

⁷ Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

Nimlivolivon 20:7 ပူးပေါင်းရင်းမြစ်များ

Make 16:9

[Apnezak do niciyo am mirwa mavyay si Yeso. O ney manma na nipacittan na no kataotao na am si Matelyan Madiya. Iya rana am nipamozwawan na ni Yeso so apito a kalamsoyan ni Satan.

Locya 22:19

Meyratateng am ahapen na o pang a kasaray na nya ji Ama ta do to a kakcikcil na sya vonongen jira. Maniring am, “Oya rana am kataotao ko ya a mapatazadang jinyo do teyngato. So to nyo na amwamooni sya a iyapapaw nyo jyaken.”

Locya 24:35

O rarwa ori am malavat da o mina vazay da do rarahan no kapeypangay da do Imao a kapakalavat da so kanimapeyketeb na ni Yeso so myanpaw a itoro na jira. Am ori o nipakatovilan da rana jya. Ori o mina ciring da do aro a tao no rarwa ori.

Yowani 20:1

Madagdag do niciyo am ji pa dada o araw. O meyngaran so Matelyan Madiya am nimangay do heseb ni Yeso. Am to na cita o rako a veysen do ngoso na nimapakaro.

Yowani 20:19

Ahep no niciyo am malovot sira o macinanao jya. No kanang am nipakapya da o pangengneban a nisletan, ta ikanyahey da o panipanirsirngen da no tao do Yotay. Karahan am to meytatanek si Yeso do tangain da. Maniring am, “Makapiya kamo so onowned an.”

Yowani 20:26

Ikawao na araw am malovot pa sira o macinanao ji Yeso. No kanang am macilovot rana jira si Tomase. Mangneb sira do kalovotan da vahay am to meytatanek si Yeso do tangain da. Maniring jira am, “Makapiya kamo so onowned an.”

Nimlivolivon 16:10

Macita na ni Pawlo o akmey tateynep am ori o nikakeykai namen rana a nimangay do Maciton. Ta katenngan namen si Ama ta do to a manci nyamen a mangay meylimwang no Mapasaray a Ciriciring na do tao do dang.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 20:11

Tomanggeh rana si Pawlo do kavava no vahay am ahapen na o myanpaw a kakan na sya a kapangnanao na rana. So nyangay na do madagdag no ipangnanao na a kakaro na rana jira.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Nimlivolivon 20:5

So nikehzehza da manma mangay do Teloya ili a amnanala jyamen.

Nimlivolivon 20:9

Amyan so asa ka malavayo a tao a meyngaran si Yotike a amlisna do ngoso no pazevngen. Ikongo do tey naro o ipangnanao ni Pawlo, am ori o nikakaha na ni Yotike. Karahan am todey manazasaz a makas do teyrahem. Citahen da am abo rana o inawan na.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

1 Kedinto 10:16

O tamo ayopen a tamo iyapapaw si Yeso am tamo isaray ji Ama ta do to an. No tamo amyop so rala na ni Yeso a yata kakan so kataotao na am tamo akmey asa rana a macikaop ji Yeso Kizisto a nimawakwak no raraten ta.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 16:2

Mangday ka niciyo na o kamimin nyo a mapasina do nizpi nyo a nimahap nyo a kakpeh nyo sya. Am to nyo palolwa do karwaro no nimahap nyo a nizpi o pasinahen nyo. Ji nyo nanala yaken, ta to nyo ngonongonongi o kapeysinsinmo nyo sya.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.