Nimlivolivon 20:35 - Seysyo No Tao

³⁵ Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

Nimlivolivon 20:35 ပူးပေါင်းရင်းမြစ်များ

Matay 10:8

Iwakwakan nyo sira o meykeyngeyngen a tao. Avyain nyo sira o nimawakwak a tao, kapya da no omlabyab so kolit a tao a kapamozwaw nyo so kalamsoyan ni Satan a komovot do tao. Yabo o ngina na no oyowyat ni Ama ta do to a nitoro na jinyo. So icyakman nyo sang a ji macyami do sidongen nyo a tao.

Nimlivolivon 20:20

Nyo katenngan manga keypong, no ko myan do peylovolovotan no tao a kado peycyakavakavahayan am ko nanawen inyo. Ko miminen o apya ciring a yako ivavaga jinyo. So ikabo no ko taywen jinyo.

Nimlivolivon 20:27

Ta yabo rana o ko taywen a nanao ni Ama ta do to.

Nimlivolivon 20:34

Ta nyo katenngan yaken a yamowyat a meyvazay a omyaw no velek ko a yaomlam so kararay ko.

Nimlivolivon 20:36

Teyka na ori a ciring ni Pawlo am mamimin sira meylilitod a meynozi.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

2 Kedinto 11:12

So ji ko mirwai do akman sang a nakenakem ko a mahap so patodahen nyo jyaken. Ta izavat ko so pazwayan da so ciring da no mangalalas a beken a lamlamsoy ni Kizisto, do kabo no pacicingayan no vazay da jyamen.

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.

2 Kedinto 12:13

Yabo nyo pacinasan do peycyakyokyokayan na. O ko kaji mangapan so nyo nipatodeh jyaken. So to nyo peykaboboi so kalasan ko a jya nimahap so patodahen nyo jyaken!

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

1 Tesalonicya 4:11

Makapya kamo so onowned do kadwan jinyo an. Ji kamo manamwad an, ta makowyat kamo a amyaw no velek nyo an. Inarahen nyo o ninanao namen pa jinyo no kakwa an.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 13:3

Manakem nyo sira o yamyan do pamemtengan a tao. Ta akma kamoy to macizanod jira aptengen da. Manakem nyo sira o peyrarehten da a tao. Ta akma kamoy to macizanod jira a peyrarehten da.

3 Yowani 1:7

Ta o ipangilili da nira ori am ciring na ni Yeso Kizisto. Am yabo da nyahap a da isidong sira no ji manaralay a tao.