Nimlivolivon 20:32 - Seysyo No Tao

³² “Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Nimlivolivon 20:32 ပူးပေါင်းရင်းမြစ်များ

Make 10:17

To rana jyangay si Yeso am to ngyan so asa ka tao a malayo a mangay a meylilitod do tangain na. Maniring jya am, “Mo Mangnanao a tey yapya so nakenakem. Makongo ko so wanjin a kapakahap ko so to meyyonong a ikavyay no pahad ko.”

Yowani 15:3

Inyo rana am kamo na akmey manownaw so onowned no nanao ko a yako ninanao jinyo.

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 14:23

Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 14:26

Komavos rana o vazay da do dang am somakay sira do avang a meysinaoli do Antia. Ta do dang nipamnekan na jira ni Ama ta do to a mahap so vazay na. So nikavos na rana no vazay da.

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 15:40

Si Pawlo rana am nipamnekan na si Sila a macihza jya. Karwan da sira o akma dey kakteh do cinai am ipeynozi da sira ji Ama ta do to a omzat jira.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

Ivoso 1:14

O Seyzi na ni Ama ta do to am ori o akma tey yongkad a somidong jyaten a omamoon so nipanci na itoro ni Ama ta do to do monganay jya tao. So ikanoyong na ni Ama ta do to a mapatazadang jyaten do teyngato a yaomanoyong jya tao. So sarayan ta ni Ama ta do to a tey mazway a Tao do to!

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 4:12

O ikakman na sang am ipakasidong da so aro a omanod ji Ama ta do to a tao a meypahagnat so nakenakem ji Ama ta do to. Ta yaten rana am akma ney kataotao ni Kizisto.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

Kelosi 1:12

Isaray nyo si Ama ta do to. Ta iya o yanimapanop jinyo a yamraralay nya. So nyo ikanoyong rana yamyan do kazngangan.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

Kelosi 3:24

Manakem nyo o keyyan no nakem na jinyo ni Kizisto, do kanoyong nyo a makahap rana so nakem na so omanop jya tao. So ikanoyong ni Kizisto a ahapen nyo so vazay.

Sipolay 10:14

Ipisa si Yeso a nimvoyog so rala a kavonas na rana no raraten da no omanoyong jya tao a mangay do kaidan no karawan.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Sipolay 2:11

Na nivonas o raraten no tao do karawan. So yada rana ipacingay ji Kizisto a mapeyyama si Ama ta do to no yarana nimavonas so raraten a tao. Am ori o na rana ji macimasneki nira ni Yeso a akma ney kakteh do cinai.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

Yota 1:20

Am inyo rana manga keypong am makowyat kamo so nakenakem ji Ama ta do to a mangozay do manoyong a nanao na. Ipeyhanhan nyo o Seyzi no meynozi kamo.