Nimlivolivon 20:28 - Seysyo No Tao

²⁸ So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 20:28 ပူးပေါင်းရင်းမြစ်များ

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

Matay 2:6

‘Inyo rana tao a meyvahay do Podiheng a macinapnap do Yotay am tana ney likey na o ili nyo am ney manhama kamo a tao. Ta amyan jinyo so asa ka tao a makayokod ninyo a Isedi a tao.’ ”

Make 13:9

“Azimanen nyo, ta rakpen da inyo a yangay do pacicicyan a kabakbak da jinyo do peyneynozyan, do kararalay nyo nyaken. So ikanoyong nyo a meylimwang no Mapasaray a Ciriciring na ni Ama ta do to do tangain da no panirsirngen a kano meymatmatngeh no teyhesa ka mahataw.

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Nimlivolivon 13:2

No kararalay da ni Ama ta do to a ji mangakaday am maniring jira o Seyzi am, “Pamnekan nyo si Parnapo a kani Sawlo a mapeyvazay so vazay ko.”

Nimlivolivon 14:23

Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 20:17

Amyan si Pawlo do Midito am manovoy so tao a mangay do Ivoso a manci no panipanirsirngen do kyokay a mai a tomita sya.

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.

Loma 16:16

Ipeyminaminasi nyo pa o kadwan jinyo. Yada ipeyminaminasi inyo no aro a sinjya do peycyakyokyokayan na do jya.

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 11:22

Manngwa, yabo kavahayan nyo a nyo akanan? Kamo manoyong saon a yakomolala so kyokay na ni Ama ta do to a yamapanyanig so ji makahakaw a tao. Akman ko na so wanjin a omnanao jinyo. Manngwa, azwazwain ko inyo? Jyabo kazwazway ko jinyo a.

1 Kedinto 15:9

Ta ney marahet ko na jira nipamnekan na ni Yeso a amlivolivon no ciriciring na. So ikanoyong ko a ji na abneka ni Yeso a lamlamsoy na, ta niraherahet ko o kyokay na ni Ama ta do to.

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

Cyalatay 1:13

Nyo katenngan o iwawalam ko no kapacibedbed ko pa do anodan namen a tao do Yotay. Ta tey makdeng ko a mapakakasi so amraralay ni Yeso Kizisto a tao. Naknakmen ko o kawakwak ko sira.

Ivoso 1:14

O Seyzi na ni Ama ta do to am ori o akma tey yongkad a somidong jyaten a omamoon so nipanci na itoro ni Ama ta do to do monganay jya tao. So ikanoyong na ni Ama ta do to a mapatazadang jyaten do teyngato a yaomanoyong jya tao. So sarayan ta ni Ama ta do to a tey mazway a Tao do to!

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Kelosi 1:14

Nyagag na yaten ni Yeso Kizisto do peyraratenan ta. So ta ikanoyong rana nimavonas so raraten.

Kelosi 4:17

Ipanci nyo ji Asipo, ta pakavosen na o nitoro na jya ni Ama ta do to a vazay.

1 Timotay 3:1

No myan so tao a amnakenakem so katalamozong na no kyokay am apiya o akman sang a vazay an. So ikanoyong no akman sang a ciring an.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

1 Timotay 3:5

Ta no ji na tenngi o vazay na do vahay da am jyabo kapakatalamozong na no kyokay a.

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

1 Timotay 4:16

Meypepzat ka so kataotao an. Akman so sang o ipangnanao mo an. Ji mo macimazai o vazay mo. Ta ori o ipatazadang na jimo ni Ama ta do to do teyngato. So ikakman da sang no pamizngen mo a tao a patazadangen na.

1 Timotay 5:17

O tomalamozong rana no kyokay a tao a makateneng do ahahapan da so vazay da do kyokay a yamowyat a meylimwang no ciriciring na ni Ama ta do to a kano mateneng amnanao so sinjya am ikanig nyo sira, kapanta nyo nira so apyahen da no nakem.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

1 Pite 2:25

Kamo akmey mavozaw a kagling a ji makateneng do rarahan. Am na rana nipaoli inyo. So yanyo ipacilolo rana jya a yana apzatan so pahad.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.