Nimlivolivon 20:24 - Seysyo No Tao

²⁴ Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 20:24 ပူးပေါင်းရင်းမြစ်များ

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Yowani 15:27

Akman kamo sang a meylimwang nyaken. Ta nimeycicinda kamo a nimacihza jyaken no kavavayo ko pa mangnanao.

Yowani 17:4

Ko na nipacita o azwazway mo do karawan. Ta ko na nipakavos o vazay a mo nitoro jyaken.

Nimlivolivon 1:17

Ta si Yota rana am mina kararay ta nipamnekan ni Yeso a omlivolivon no ciriciring na a somidong jyaten do vazay ta.”

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 13:25

Makeykai rana o vazay ni Yowani a komavos am ipanci na jira. Maniring am, ‘Nyo katenngan yaken an? Yaken rana am beken a mapatazadang jinyo do teyngato a nyo pananalahen a mai. Ta yamyan pa so yamai a maizaizay pa ka nyaken. So ikabo no pacicingayan ko jya a omovay so iktan no tokap na.’ ”

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 20:23

O ko katenngan am o na nipaziman jyaken no Seyzi do kapteng da jyaken, do karo no alalaw ko.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Loma 4:4

O meyvazay a tao am manoyong o kapeynizpi sira. Am o nizpi da am beken a karilawan na nira no mapeyvazay sira, ta nizpi da do kapeyvazay da.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

2 Kedinto 4:1

Yamanoyong si Ama ta do to a yamarilaw nyamen do na kapahanhan jyamen do vazay na. Ori o namen rana jyaraci nya so onowned.

2 Kedinto 4:12

Tana masangib namen a toda jyangangay so inawan am cyaha, ta ipakasidong namen jinyo a makahap so to meyyonong a ikavyay no pahad nyo.

2 Kedinto 5:8

So ikanoyong ta rana jyavokahaw a toda ji ngamaog so kataotao ta do karawan a mangay a macitovong ji Yeso a Panirsirngen ta.

2 Kedinto 7:4

Yako ipeyhanhan inyo. Yako azwain inyo. Tana amyan so aro a alalaw ko am ko jyanyaheyan. Ta yako ipeyhanhan inyo a mapadnadna so nakem ko.

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:30

Ta na kajyawakwakan rana, do yana kahap so vazay ni Kizisto a kano vazay nyo a yasomidong jyaken.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Tesalonicya 3:3

a kaji da oniban so nakem no kadwan jinyo no peyrarehten da inyo. Ta kangay na ori no alalaw ta a omraralay ni Yeso Kizisto.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Tito 1:3

So peylimwangan no akman sang sicyaikwaya. Ori ko pangozayan do ngaran na ni Ama ta do to a nitomovoy jyaken a yameylimwang no akman sang a nanao na. Ta iya rana am mapatazadang jyaten do teyngato.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 6:11

Makarahan am maponged sira no malavang a magorogod a kapakamizing ko so ciring a manci nira meywalam pa, mangay no si mablit rana sira o kararay da a mahap so vazay ni Yeso Kizisto a akma dey kakteh do cinai a akman sira wakwaken da.