Nimlivolivon 20:21 - Seysyo No Tao

²¹ Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 20:21 ပူးပေါင်းရင်းမြစ်များ

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Make 1:15

Maniring am, “Yarana makeykai o yana katalamozong ninyo ni Ama ta do to. Am ori o karwan nyo na do peyraratenan nyo a omanoyong do Mapasaray a Ciriciring na ni Ama ta do to.”

Make 6:12

Makarahan am mangay rana sira o macinanao ji Yeso a meylimwang no ciring na ni Ama ta do to a kavavaga da do aro a tao a mamlis rana komaro do peyraratenan da.

Locya 13:3

Beken a akman sang. Ko pa ciring jinyo am no si ji kamo mamlis am akman kamo so sang a mawakwak.

Locya 13:5

Ko pa ciring jinyo am no si ji nyo ablisi o kapeyraraten nyo am akman kamo so sang a macitopos.”

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:7

Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 16:31

Maniring sira jya am, “Anoyngan mo si Yeso a Panirsirngen ta. Ta ori o ipakahap nyo so to meyyonong a ikavyay no pahad nyo a asa ka vahay.”

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Nimlivolivon 19:17

Mamizing da no meyvahay do Ivoso a tao do Yotay a kano tao do Sila o akman sang a vazay am manyahey sira. Niminda dang o kapeypakdeng da rana omraralay ni Yeso.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 2:40

So ikaro na pa no ciring na ni Pite a pakoyokoin na jira. Maniring pa am, “Inyo rana am macisyay kamo do meyraraten a tao an. Ta ori o ji nyo macizanoji do balinasen na ni Ama ta do to a tao.”

Nimlivolivon 20:23

O ko katenngan am o na nipaziman jyaken no Seyzi do kapteng da jyaken, do karo no alalaw ko.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 24:24

Kadadayan na so araraw am mai sira Veydise a kano mavakes na a tao do Yotay a meyngaran so Tosila a omrara si Pawlo a manci no peypeypangayan na no kanoyong na ji Yeso Kizisto.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 8:25

Mateyka si Pite a kani Yowani a mangnanao no ciriciring ni Ama ta do to am meyoli rana sira a mangay do Yelosaleng a kapeylimwang da no Mapasaray a Ciriciring na ni Ama ta do to do peycyeylilyan na do Samadiya a nipeyliktawan da ili.

Loma 1:14

Tana ko macizavoz do meykataretarek a tao am meyyangangay sira ori a yako sidongen no Ciriciring na ni Ama ta do to.

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Loma 4:24

Ta akman sang o ciring na jyaten, do yata kanoyong ji Ama ta do to a nimirwa a omvyay si Yeso Kizisto a Panirsirngen ta. So icyakman ta sang a abneken na ni Ama ta do to a abo so raraten do tangain na.

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.

1 Kedinto 1:22

Kakdain da no tao do Yotay o kapakacita da so mapeyzokab a vazay. Ta ori o yanoyong da ji Ama ta do to. Kakdain da no tao do Sila o kateneng da. Ta ipeyhanhan da o teneteneng no tao do karawan.

2 Kedinto 7:10

Ta o omlavi a mamlis do peyraratenan da am niblis na ni Ama ta do to so onowned da a ipeypapya da. Am o monganay do karawan a ilavi no onowned da no ji makanakem si Ama ta do to am ipeykaraherahet da.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Ivoso 1:15

Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

Veydimeng 1:5

Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.

1 Yowani 5:1

O tao rana omanoyong ji Yeso Kizisto a Misayya am manoyong o akman sang a anak na ni Ama ta do to. O tao a omraralay ni Ama ta do to am akman sang a marilaw no akma ney kakteh do cinai, ta meyyangangay sira anak na ni Ama ta do to.

1 Yowani 5:5

Sino sira o makaharag so marahet a vazay do karawan. Omanoyong ji Yeso Kizisto a Anak ni Ama ta do to a tao am ori saon o makaharag sya.