Nimlivolivon 20:16 - Seysyo No Tao

¹⁶ Nakenakem na ni Pawlo o kaji namen neykedan do Ivoso, ta ihawa na kasengseng namen do Yasiya, ta meybezbez si Pawlo a mangay do Yelosaleng. Ta ikakza na o kapakapis na so pamaringan da so kanen no tao do Yotay do Osinci.

Nimlivolivon 20:16 ပူးပေါင်းရင်းမြစ်များ

Nimlivolivon 12:13

Pokpoken na o pazevngen ni Pite am makowbot o asa ka mavakes a lamlamsoy da a meyngaran so Lota.

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 18:19

Makaranes rana sira do Ivoso am taitaiden na rana sira Paycila kani Akwila kangay na rana do peyneynozyan a macinekanekad do tao do Yotay.

Nimlivolivon 18:21

Karwan na sira am amyan so ciring na jira. Maniring jira am, “No si apyahen ni Ama ta do to am pirwan ko pa o kai ko do jya.” Meyratateng am somakay rana do avang a komaro do Ivoso.

Nimlivolivon 19:1

Amyan rana si Apolo do Kedinto am meypangay pa si Pawlo do Ivoso. So nipeyliktaw na do Vodicya. Ori o nipakasazi na dang so amraralay ni Yeso Kizisto a tao.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 2:1

Marateng rana o araw no Osinci am meylovolovot sira o amraralay ni Yeso do asa ka vahay.

Nimlivolivon 20:13

Nimanmanma namen a omavang do avang a mangay do Aso. Si Pawlo am to mangonong do rarahan. Ipanci na o kangay namen masinsinmo do Aso a ili.

Nimlivolivon 20:18

Mai rana sira am pacisirsirngan na rana sira ni Pawlo. Maniring jira am, “Nyo katenngan o icicirawat ko no ka ori pa so kangay ko do Yasiya.

Nimlivolivon 20:22

So ko na karwan jinyo sicyaikwaya a mangay do Yelosaleng, ta onotan ko o ipanci na jyaken no Seyzi. Am ji ko a tenngi o masapa ko dang a vazay.

Nimlivolivon 20:4

O nimacihza jya am tao do Peyloya, anak na ni Pilo a meyngaran so Sopate a kano tao do Tesalonicya a meyngaran so Aditako a kani Sikongto a kano tao do Tepey a meyngaran so Cyayo a kano tao do Yasiya a meyngaran so Timotay a kani Ticiko a kani Teloveymo.

Nimlivolivon 20:6

Mahatas rana o nipamaring da so kanen do yakan da so ji nimimway a pang am nimapo namen do Veydipi. Kalima araw namen a niomavang do avang am makaranes namen do Teloya. So nipakacita namen rana so kararay namen a nimanmanma a nimangay. Karahan am misan namen do dang so kapito araw.

Nimlivolivon 21:4

Nimakacita namen dang so sinjya. Ori o nisan namen dang so kapito araw. Mangay rana si Pawlo am pakeken da si Pawlo a jyangay do Yelosaleng, ta amyan dang so nipanci na no Seyzi a ikanginanawa na ni Pawlo.

Nimlivolivon 24:17

“Yarana meyyawawan o ko nikarwan do Yelosaleng. Am o ko nipeysinaoli a mangay do Yelosaleng am ko yangay o kingking da no akma koy kakteh do cinai a da isidong so tao do Yelosaleng. So nyangay ko pa do rako a panaralayan a mapatanang so nakem ko si Ama ta do to.

1 Kedinto 16:8

Am to ko pa vezed do Ivoso eya mangay do araraw no ipamarimaring ta so kanen a somaray no nihakawan ta.