Nimlivolivon 2:46 - Seysyo No Tao

⁴⁶ So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 2:46 ပူးပေါင်းရင်းမြစ်များ

Matay 6:22

“O mata nyo am akmey zezngang no kataotao nyo an. No si apya o mata nyo am akmey mazngang o pangonongan nyo an.

Locya 11:41

So ikazonos nyo a manta no ji makahakaw a tao. Ta ori o akma ney ikatnaw no onowned nyo an.

Locya 24:30

Amhezsad a macihanghang jira si Yeso am ahapen na o myanpaw kasaray na nya ji Ama ta do to a kapeyketeb na sya a itoro na jira.

Locya 24:53

So nikasangib da rana do rako a panaralayan a omazwazway si Ama ta do to.

Nimlivolivon 16:34

a kapanci da ni Pawlo a kani Sila a macyakan jira do vahay da. So ikasaray da asa ka vahay, do kaniomanoyong da rana ji Ama ta do to.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Nimlivolivon 20:7

Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

Nimlivolivon 3:1

Ipisa do ikatlo na vatvatek do makoyab am nimangay si Pite a kani Yowani do rako a panaralayan, ta ori o vatvatek no toki a ipeyneynozi da.

Nimlivolivon 5:21

Madagdag rana am somdep sira do rako a panaralayan a mangnanao. Meyratateng am o rako a panirsirngen da no mapatanatanang so nakem da si Ama ta do to a kano kararay na am lovoten da sira o kamanrarakehan da no tao do Yotay a kapanovoy da so tao a mai no amyan do pamemtengan a nipamnekan ni Yeso a omlivolivon no ciriciring na.

Nimlivolivon 5:42

Mangday so araraw kangay da do rako a panaralayan a kado kavahayan a mangnanao so tao a meylimwang no Mapasaray a Ciriciring ni Yeso, do kanoyong na Misayya a nitovoy ni Ama ta do to do teyrahem.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

1 Kedinto 10:16

O tamo ayopen a tamo iyapapaw si Yeso am tamo isaray ji Ama ta do to an. No tamo amyop so rala na ni Yeso a yata kakan so kataotao na am tamo akmey asa rana a macikaop ji Yeso Kizisto a nimawakwak no raraten ta.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

Ivoso 6:5

Inyo rana lamlamsoy da am onotan nyo sira o lawpan nyo. Ikanig nyo sira. To nyo peynara o nakenakem nyo si Kizisto a mahap so vazay da no lawpan nyo.

Kelosi 3:22

Inyo rana peylamsoin da tao am amizngen nyo o ciring da no mapeylamsoy jinyo a tao. Ta o vazay nyo rana am beken a tao o pacittan nyo nya, ta omagaz rana do kakdekdeng nyo a amraralay ni Ama ta do to a Panirsirngen ta.