Nimlivolivon 2:42 - Seysyo No Tao

⁴² So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Nimlivolivon 2:42 ပူးပေါင်းရင်းမြစ်များ

Locya 24:30

Amhezsad a macihanghang jira si Yeso am ahapen na o myanpaw kasaray na nya ji Ama ta do to a kapeyketeb na sya a itoro na jira.

Locya 24:35

O rarwa ori am malavat da o mina vazay da do rarahan no kapeypangay da do Imao a kapakalavat da so kanimapeyketeb na ni Yeso so myanpaw a itoro na jira. Am ori o nipakatovilan da rana jya. Ori o mina ciring da do aro a tao no rarwa ori.

Nimlivolivon 1:14

Mangday sira meylovolovot a meynozi a kano mavavakes. Amyan pa jira si Madiya ina na ni Yeso a kada wari na ni Yeso a mahakay.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 20:11

Tomanggeh rana si Pawlo do kavava no vahay am ahapen na o myanpaw a kakan na sya a kapangnanao na rana. So nyangay na do madagdag no ipangnanao na a kakaro na rana jira.

Nimlivolivon 20:7

Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

Nimlivolivon 4:23

Pasawain da si Pite a kani Yowani am mangay rana sira do kararay da omraralay ni Yeso a tao a manci no mina ciring da jira no panipanirsirngen no mapatanatanang so nakem da si Ama ta do to a kano kamanrarakehan.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 6:4

Am yamen rana am kasazap namen so kapeynozi a meylimwang no ciriciring na ni Ama ta do to.”

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

1 Kedinto 10:21

Marahet o keyyop nyo so rala ni Yeso a nyo keyyop so monganay ji Satan. Marahet o kakan nyo so kataotao ni Yeso a kakan nyo so monganay ji Satan.

1 Kedinto 11:2

Ko isaray inyo, ta nyo masangib yaken a yamanakem a yamangozay do nipamizing ko jinyo a iwawalam no kyokay.

1 Kedinto 14:6

Am ori an, manga kakteh an. No si mangay ko jinyo a kapangononong ko no ji nyo a tenngi a ciring am ikongo peypeypangayan na no akman sang. Si ahapen ko saon o ciring nyo a mangononong so ciriciring na ni Ama ta do to am ori o ipakasidong ko jinyo saon am.

Cyalatay 1:6

Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 4:2

Makowyat kamo a meynozi. Ji kamo tongwakwan a meynozi. Ta mapo do onowned nyo o inozi nyo a kasaray nyo so onowned ji Ama ta do to.

2 Timotay 3:14

Am o mo nimahap rana yamanoyong a nanao am panekseken mo do onowned mo an. Ta mo katenngan sira o mo nipacinanawan an.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Sipolay 10:39

Jyabo kapya ta so kapeydedna na jyaten no peyoyaoyyan na ni Ama ta do to, do kalikod ta jya. Ta yaten rana am ta anoyngan o kapatazadang na jyaten ni Ama ta do to do teyngato.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.

Yota 1:20

Am inyo rana manga keypong am makowyat kamo so nakenakem ji Ama ta do to a mangozay do manoyong a nanao na. Ipeyhanhan nyo o Seyzi no meynozi kamo.