Nimlivolivon 2:40 - Seysyo No Tao

⁴⁰ So ikaro na pa no ciring na ni Pite a pakoyokoin na jira. Maniring pa am, “Inyo rana am macisyay kamo do meyraraten a tao an. Ta ori o ji nyo macizanoji do balinasen na ni Ama ta do to a tao.”

Nimlivolivon 2:40 ပူးပေါင်းရင်းမြစ်များ

Matay 12:34

Inyo rana macitapas do tokza so onowned a tao am abo o apya ciring a powboten nyo.

Matay 16:4

Yateywara o raraten no tao sicyaikwaya, do da kapasagpyan so aktokto da. Nyo kakzeben o kapakacita nyo so oyowyat na ni Ama ta do to. Am o akman so mina vazay ni Ama ta do to do meyngaran so Yena o macita nyo. So ikabo na rana no maharahara pa kano nang a macita nyo.” Teyka na o ciring na ni Yeso am karwan na rana sira.

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Make 8:38

O tao rana do karawan sicyaikwaya am yatey yaro rana o raraten da. No amyan so tao a macimanig nyaken a kano ciring ko am no meysinaoli ko a Nipamnekan na ni Ama ta do to a tao a macihza do azwazway ni Ama ta do to a kano aro a tinsi am abo nakenakem ko sya.

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Yowani 21:25

Aro pa o mina vazay na ni Yeso. Am no ko naknakmen am no si mamimin a vatvatkan am ji rana makangay do karawan o karwaro no vakong.

Nimlivolivon 10:42

Nipakoyokoy na jyamen o kapeylimwang namen no kanoyong na ni Yeso a nipamnekan ni Ama ta do to a mapacici so mavyay a kano nimawakwak a tao.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 20:11

Tomanggeh rana si Pawlo do kavava no vahay am ahapen na o myanpaw a kakan na sya a kapangnanao na rana. So nyangay na do madagdag no ipangnanao na a kakaro na rana jira.

Nimlivolivon 20:2

So nilivonan na so ili da pangonongan a mapait so sinjya, kangay na rana do Akayya.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 20:9

Amyan so asa ka malavayo a tao a meyngaran si Yotike a amlisna do ngoso no pazevngen. Ikongo do tey naro o ipangnanao ni Pawlo, am ori o nikakaha na ni Yotike. Karahan am todey manazasaz a makas do teyrahem. Citahen da am abo rana o inawan na.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

Cyalatay 5:3

Ko pazimanen pa jinyo so ipisa. No si yongkadan nyo o kataotao nyo am pangononongan nyo saon o aro a iwawalam ni Moyse am.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

1 Timotay 4:16

Meypepzat ka so kataotao an. Akman so sang o ipangnanao mo an. Ji mo macimazai o vazay mo. Ta ori o ipatazadang na jimo ni Ama ta do to do teyngato. So ikakman da sang no pamizngen mo a tao a patazadangen na.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.