Nimlivolivon 2:4 - Seysyo No Tao

⁴ Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

Nimlivolivon 2:4 ပူးပေါင်းရင်းမြစ်များ

Matay 10:19

No pacicin da inyo am ji nyo anyaheyan o kaji nyo makatenngan do itovis nyo jira a ciring. Ta ipeypalanginan na inyo ni Ama ta do to a mapasapa jira.

Make 16:17

O manganoyong a tao am ipanta na sira ni Ama ta do to so oyowyat da mapeyvazay so mapeyzokab a vazay. No pangozayan da o ngaran ko am mavozwaw da o kalamsoyan ni Satan a kapeyzezyak da so macitarek a ciring.

Locya 1:15

Ta iya rana am katenngan a tao do tangain na ni Ama ta do to. So ji na ngyopi so saki. No kaji na tazakan a tao pa am nipabedbed na rana ni Ama ta do to o oyowyat na jya Seyzi.

Locya 1:41

Mamizing na ni Idisapay si Madiya am mina to meygonagonay o alavaten na a kowyat na ji Idisapay no Seyzi.

Locya 1:67

So nioyatan na ji Sacyadiya no Seyzi na ni Ama ta do to a manci no,

Locya 12:12

Ta nanawen na inyo no Seyzi a mapasapa jira.”

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Locya 4:1

Meysinaoli si Yeso a nimapo do Yotan a ayo am oyatan no Seyzi. So nipalolwan na sya no Seyzi a yangay do kabwan no nihakawan no tao,

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Yowani 20:22

Karahan am ahahan na sira. Maniring pa jira am, “Ahapen nyo o Seyzi na ni Ama ta do to.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 10:46

Ta nimamizing da o kapeyzezyak da so macitarek a ciring a apo do Seyzi a somaray ni Ama ta do to. Maniring si Pite am,

Nimlivolivon 10:47

“Yana nioyatan sira no Seyzi akman jyaten. Am ori o ji ta raci sira taktakan.”

Nimlivolivon 11:15

Nanawen ko sira am to meyhekas jira o Seyzi akman no ka ori pa so kapeyhekas na jyaten no Seyzi.

Nimlivolivon 11:24

Si Parnapo rana am tey yapya o nakenakem na, ta nioyatan no Seyzi. Am ori o ikakdeng na meyhanhan ni Ama ta do to. Ori nipeyparo da no tao a omanoyong ji Yeso.

Nimlivolivon 13:52

Masasaray sira o amraralay ni Yeso a tao do Antia do kowyat na jira no Seyzi.

Nimlivolivon 13:9

No kanang rana am nioyatan no Seyzi si Sawlo. (Mamlis rana am meyngaran so Pawlo.) Ori o mina to na pasilapi jya a citahen.

Nimlivolivon 15:8

Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya,

Nimlivolivon 19:6

kakadain na sira paoptan na so lima na ni Pawlo. Karahan am meydedna jira o Seyzi. So nipeyzezyak da so matarek a ciriciring no Seyzi a kapeylimwang da no ciriciring na ni Ama ta do to.

Nimlivolivon 2:11

Amyan jyaten eya so yapo do Kedite a kado Alapo. Am ikongo da todamimini a yamakateneng do aro a ciriciring ta a yamanci no yamapeyzokab a vazay ni Ama ta do to!”

Nimlivolivon 2:3

So nipakacita da so akmey lila no apoy a makakaday jira mangay someyked do oo da.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

Nimlivolivon 4:8

No kanang rana am oyatan no Seyzi si Pite. Am ori o nipancyan na no, “Inyo rana panipanirsirngen namen a kano kamanrarakehan am,

Nimlivolivon 6:3

Am ori o ipamnek nyo so papito a ka tao a katenngan no tao apiya so icicirawat a kano mateneng a oyatan no Seyzi, ta sira rana o to namen rana pahanhana a omvonong sya.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 6:8

Si Setiven rana am aro mapeyzokab a vazay na do tangain da no tao, ta sidongen na ni Ama ta do to a kowyat na jya no Seyzi.

Nimlivolivon 7:55

Am nioyatan no Seyzi si Setiven. Tangarahen na o hanit am macita na o azwazway ni Ama ta do to a kani Yeso a meytatanek do wanan na ni Ama ta do to.

Nimlivolivon 8:17

Am ori o nipaoptan da jira so lima da da Pite a kani Yowani a ipanlanlag da. Ori o niyan na rana jira no Seyzi.

Nimlivolivon 9:17

Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

1 Kedinto 13:1

Tana katenngan ko a ipanci o makakaday a ciriciring no tao a kano ciriciring no tinsi a kabo no pangangarilawan ko so icyatatao ko am katonodan no ciring ko o manilo a vaklit.

1 Kedinto 13:8

O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to.

1 Kedinto 14:18

Ko isaray ji Ama ta do to. Ta yabo yamakataha jyaken a masangib a makalavat so macitarek a ciring.

1 Kedinto 14:5

Inaoy si mamimin kamo a meyciring so macitarek a ciring. Am ko apyapyahen pa inyo a mangononong so ciriciring na ni Ama ta do to. Ta no myan so tao a mapeyvaliw so macitarek a ciring am ori o ipakasidong na so tao do kyokay. No si abo o mapeyvaliw sya am makdekdeng pa o kapangononong so ciriciring na ni Ama ta do to a kano meyciring so macitarek a ciring.

Ivoso 3:19

Tana yajyatenngi no tao o na pamanmandan no mapeyzokab a pangangarilawan na ni Kizisto am inaoy si meypahagnat kamo so nakem a makateneng do pangangarilawan na. No si makman kamo sang am manoyong kamo na a yanan no aglaglaw na jinyo ni Ama ta do to.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

2 Pite 1:21

Ta o ciring no panoyonoywan na so ciring ni Ama ta do to a tao am beken a monganay jira. Ta o oyowyat no Seyzi o nisomidong sira. So ikanoyong no ciring da apo ji Ama ta do to.