Nimlivolivon 2:27 - Seysyo No Tao

²⁷ Ta mo ji mya o pahad ko a to ngyan do yanan da no nimawakwak a tao. So ji na macirapai do tana no kataotao ko, ta nipeyvazay ko na o vazay mo.

Nimlivolivon 2:27 ပူးပေါင်းရင်းမြစ်များ

Matay 11:23

Inyo rana tao do Cyapaynong am manngwa, nyo ipanci o kapakaranes nyo do teyngato? Jyabo kaji nyo akasan do kararatan a, do kanimakacita nyo so mapeyzokab a vazay ko a. Am no nipeyvazay ko do Sotoma am yabo kanimbalinas ko sira.

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 16:23

Amyan do kararatan a makaliliw so kataotao na am to na cita do teyngato si Apolahan a kani Lasalo.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Locya 4:34

“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.”

Yowani 11:39

Maniring si Yeso am, “Peylis kamo o veysen.” Maniring o kakteh na meyngaran si Marta am, “Mo Panirsirngen, yajya kapat araw rana yanibobo a jyabo na kajyangotan no kataotao na.”

Nimlivolivon 2:26

Am ori o ko ikasaray so onowned a yaomazwazway jimo. Tana mawakwak o kataotao ko am o pahad ko am ahapen mo do teyngato.

Nimlivolivon 2:28

Ta nipananao mo rana jyaken o manoyong a pangonongan ko. So sarayan ko nimo a macikaop jyaken.’ ”

Nimlivolivon 2:31

Katenngan na ni Tawey o kapeyvangon na ni Ama ta do to so sivovoong na a si Kizisto a nipamnekan na Panirsirngen. Maniring am, ‘Ji na mya ni Ama ta do to o pahad na to ngyan do yanan da no nimawakwak a tao. So ji na macirapai do tana no kataotao na.’

Nimlivolivon 3:14

Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao.

Nimlivolivon 4:27

So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

1 Kedinto 15:52

Am makeykai ori, akmey peyrektan no mata. No si mamizing no tao o ney manowji rana ipatao jyaten a zapa am makaranes rana o akman sang a vazay a kapeyoli da mavyay no mawakwak a tao a kaji da rana wakwakan. So icyakman ta sang a mablis so kataotao.

1 Kedinto 15:55

“So ikabo rana no kanyaheyan ta no kawakwak ta. So ikabo rana no mazabab so onowned a tao.”

1 Yowani 2:20

Am na rana nitoro jinyo o Seyzi ni Kizisto. Am ori o nyo ikamimin a yarana makateneng do nanao ni Ama ta do to.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Ipaziman 20:13

Makarahan am patwawen na no awa o nimawakwak a tao. Akman sang o kacyan a mapatwaw so nimawakwak a tao so pahad. Sira rana am to macilocilolo do mina raraten da no keyyan da pa do karawan o pacicyan na sira.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.