Nimlivolivon 2:24 - Seysyo No Tao

²⁴ Am mina kapirwa na sya avyain ni Ama ta do to. So ikabo rana no alalaw na ikawakwak na.

Nimlivolivon 2:24 ပူးပေါင်းရင်းမြစ်များ

Matay 27:63

Maniring sira am, “Mo maran, namen pa manakem o ciring no yamangalalas a tao no kavyay na pa manci no, ‘Ikatlo na araw am mavyay ko pa.’

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Yowani 10:35

Tamo katenngan o kato na meyyonongan a jyablis no Ciriciring na ni Ama ta do to do Seysyo. Ipanci ni Ama ta do to o kakma dey tao do to no mahap so ciriciring na no kakwa pa.

Yowani 12:39

Nimalavat na rana ni Isayya o kaji da manganoyngan. Ta maniring am,

Yowani 20:9

Am ji da pa tenngi o peypeypangayan no ciring do Seysyo do kawakwak na keypirwa na mavyay.

Nimlivolivon 1:16

“Manga kakteh, nimangononong o nivatvatkan ni Tawey a nipaziman na jya no Seyzi no kakwa pa a omagaz ji Yota a nimapalolo so tao a amrakep si Yeso.

Nimlivolivon 13:30

Am nivyay na ni Ama ta do to.

Nimlivolivon 13:37

Am si Yeso am jya nimakman so sang o kataotao na, ta nivyay na ni Ama ta do to.

Nimlivolivon 17:31

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 3:26

Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 5:30

Si Yeso rana nipadket nyo do jyojika niwakwak nyo am yana rana nivyay no Tao do to da no ineynapo ta.

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 4:24

Ta akman sang o ciring na jyaten, do yata kanoyong ji Ama ta do to a nimirwa a omvyay si Yeso Kizisto a Panirsirngen ta. So icyakman ta sang a abneken na ni Ama ta do to a abo so raraten do tangain na.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

1 Kedinto 15:12

No yamanoyong namen kapeylimwang ni Kizisto a nimirwa a mavyay am ikongo na iyan jinyo no tao a yamanci no kaji mirwan a mavyay no nimawakwak rana tao.

1 Kedinto 15:15

No si akman sang am manoyong o kapangamaog namen ni Ama ta do to so malas a ciring. Ta no namen maniring am na nivyay ni Ama ta do to si Kizisto. No manoyong o kabo no tao a mirwa a mavyay am manoyong o kaji na nimapeyvangonan si Kizisto ni Ama ta do to.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

1 Kedinto 15:4

Nipakakasa da si Yeso. Ikatlo na araw am mirwa a mavyay. So na idket pa do Seysyo no akman sang a ciring.

1 Kedinto 6:14

Si Ama ta do to o nimapeyvangon si Yeso do heseb na. So icyakman na sang ni Ama ta do to a mangozay do oyowyat na a mapeyvangon jyaten no makwa.

2 Kedinto 4:14

Namen katenngan o yanimapeyvangon si Yeso a Tao do to a mapeyvangon jyamen akman si Yeso a kamimin ta na macikaop jya do teyngato.

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Ivoso 1:20

nimapeyvangon si Yeso apo do heseb na. So na rana iyan do teyngato a yaomlisna do wanan na ni Ama ta do to,

Kelosi 2:12

Ta o peypeypangayan no da kataktak jinyo am yongkad no kapacizanod no raraten nyo a yakmey nimacikawakwak ji Kizisto. So icyakman nyo sang a akmey to nimacizanod ji Kizisto a nimirwa a mavyay, do kanoyong nyo do mapeyzokab a oyowyat na ni Ama ta do to a nimapeyvangon sya.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.