Nimlivolivon 2:22 - Seysyo No Tao

²² Maniring pa si Pite am, “Inyo rana Isedi a tao a keylyan ko am amizngen nyo o ciring ko an. Ta si Yeso rana tao do Nasale am nitovoy na ni Ama ta do to. Oyowyat na kano mapeyzokab a vazay na rana ni Yeso am yongkad na ori do mina katovoy na sya ni Ama ta do to. So nyo ipakateneng do akman sang a vazay. Ta mina vazay na ya do tangain nyo an.

Nimlivolivon 2:22 ပူးပေါင်းရင်းမြစ်များ

Matay 12:28

No si manoyong ko a mamozwaw no oyowyat ni Ama ta do to am yamanoyong rana si Ama ta do to a tomalamozong no omanoyong jya tao sicyaikwaya.

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Locya 11:20

No si manoyong ko a mamozwaw no oyowyat ni Ama ta do to am yamanoyong rana si Ama ta do to a tomalamozong no omanoyong jya tao sicyaikwaya.

Locya 18:37

Maniring sira o tao jya am, “Yameyhatay do jya o tao do Nasale a meyngaran si Yeso.”

Locya 24:18

O asa ka tao jira meyngaran so Kelopa a mapacici si Yeso. Maniring am, “Manngwa, mo pa jya nimamizing o vazay do Yelosaleng a yamiseysan do dang?”

Yowani 1:45

Makala ni Veydipo si Natannay. Maniring jya am, “Namen rana nimacita o yadomket do iwawalam ni Moyse a kano ciring da no panoyonoywan na so ciring ni Ama ta do to do Seysyo. Ori rana am si Yeso anak ni Yoseyvo a yameyvahay do Nasale a ili.”

Yowani 10:37

No ko ji ngapa o vazay ni Ama am ji nyo nganoyngi yaken.

Yowani 11:47

Am ori o nipeykaygi da no tao a macyagom do Vadisay a kano panipanirsirngen da no mapatanatanang so nakem da si Ama ta do to. Maniring sira do kaygi da am, “Yatey yaro o mapeyzokab a vazay na mina vazay. Meypanngonngo tamo.

Yowani 12:17

Tawagan ni Yeso si Lasalo apo do heseb na am amyan dang so aro a tao. So nipeylimwang da no akman sang a nimacita da vazay.

Yowani 15:24

No ji ko nimeyvazay so ji da pa nimapeyvazay no tao do tangain da am abo raraten da. Am da kanimakacita rana sya so vazay ko. Am da kapacioya jyaken a kani Ama.

Yowani 19:19

Amyan so nivatvatkan no lamlamsoy ni Pilato a nipayoray na do jyojika ni Yeso. O peypeypangayan no vatvatek am, “Si Yeso rana am tao do Nasale a Panirsirngen da no tao do Yotay.”

Yowani 3:2

Ipisa kahep na am mangay ji Yeso. Maniring jya am, “Mo Mangnanao, namen katenngan imo a mangnanao a nitovoy ni Ama ta do to a yamangnanao so tao. No yabo si Ama ta do to a yasomidong jimo a meyvazay a mapatwaw so kayapo mo jya am abo tao a makapeyvazay sya.”

Yowani 4:48

Maniring si Yeso jya am, “No si macita nyo o vazay a yongkad no kayapo ko ji Ama ta do to am, ori o ipanganoyong nyo.”

Yowani 5:36

Am patwawen ko pala o makdekdeng pa vazay ko a kano mina ciring ni Yowani. O vazay rana ori am nitoro na jyaken ni Ama a pakavosen ko. O vazay rana ori am yongkad ko ori a nitovoy ni Ama.

Yowani 6:14

Macita da o mina vazay ni Yeso a yongkad no kayapo na ji Ama ta do to am maniring sira am, “Oya saon o da ipanci a yamai do teyrahem a panoyonoywan na so ciring ni Ama ta do to.”

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Yowani 7:31

Am amyan do aro a tao ang so omanoyong jya. Maniring sira am, “No si mai o Misayya am arwaro pa o peyvazain na vazay a yongkad no kayapo na ji Ama ta do to a kano tao eya?”

Yowani 9:33

Jyabo na kaji nimapwan ji Ama ta do to no nya. Ta ikongo na to makapeyvazay so akman sang a vazay.”

Nimlivolivon 13:16

Ori nipeytatanek ni Pawlo a mapatala so lima na. Maniring am, “Inyo rana Isedi a tao a ka ninyo a yamraralay ni Ama ta do to am amizngen nyo an.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 2:19

So iyan no ipacita ko a mapangyangyalak do hanit a kado teyrahem. Ori rana am apoy a kano rala kano rako a aob.

Nimlivolivon 2:43

So ikaro no mapeyzokab a vazay da no nipamnekan na ni Yeso a omlivolivon no ciriciring na a mapacita no rako a oyowyat na ni Ama ta do to. So ikaro no tao a somavasavak nya.

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 22:8

Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a tao do Nasale a yamo pakakasin.’

Nimlivolivon 24:5

Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 26:26

Maniring si Pawlo ji Aglipa am, “Mo katenngan o akman sang a vazay. Am ori o ko jyamogawi a yamapatwaw sya jimo. Ta o akman rana sya a vazay am abo makatayo sya.

Nimlivolivon 26:9

“No kakwa pa am abo ji ko peyvazaya a izakat ko so tao a omamizing so nanao ni Yeso a tao do Nasale.

Nimlivolivon 3:12

Macita na ni Pite o aro a tao am maniring jira am, “Inyo rana a keylyan ko a Isedi a tao am ikongo nyo kalakan no akman sya vazay ang. Ikongo nyo to nitai jyamen. Nyo ipanci a oyowyat namen am kakdekdeng namen o yaniomiwakwak do tao eya?

Nimlivolivon 3:6

Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.”

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 5:35

Maniring jira am, “Inyo rana Isedi a tao am pakapyahen ta o ahahapan ta sira ya.

Nimlivolivon 6:14

O nimamizing namen a nipanci na am si Yeso a tao do Nasale am kavahen na o rako a panaralayan eya, kablis na do iwawalam ni Moyse a nitaid na jyaten.”

2 Kedinto 12:12

No keyyan ko pa jinyo do dang am tana masaod ko o alalaw ko am ji ko macimazai o vazay ko. So iyan no yeyyak nyo a vazay, yeyyak nyo a oyowyat, mapeyzokab a vazay akmey yongkad ko jinyo do kanoyong ko a nipamnekan ni Kizisto a omlivolivon no ciriciring na.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.