Nimlivolivon 2:10 - Seysyo No Tao

¹⁰ kado Vodicya kado Pangveydiya kado Ayci a kano yapo do Dipiya a masngen do Cidinay. Yamyan jyaten eya so apo do Loma a tao do Yotay a kano beken a tao do Yotay a omahap rana so iwawalam ta tao do Yotay.

Nimlivolivon 2:10 ပူးပေါင်းရင်းမြစ်များ

Matay 2:15

mangay do nikawakwak ni Helote. O icyakman na sang no vazay am pangononongan na o mina ciring no panoyonoywan na so ciring ni Ama ta do to. Ta maniring am, “Nipeysinaoli ko o anak ko a apo do Ayci.”

Matay 23:15

Inyo rana yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am kamo amlivolivon do peycyavanovanwan na yamapanod so tao. No sira omanod rana am nyo abwangen sira yaominara jinyo. So da ikaraherahet pa ka ninyo. So ikaraherahet da pa ioya na ni Ama ta do to.

Matay 27:32

Makowbot sira am makasinmo sira so tao do Cidinay a meyngaran so Simong. Karahan am gacigatan da somabway no jyojika ni Yeso,

Make 15:21

Makanavak do rarahan na am masinmo da o asa ka tao a meyngaran si Simong a omoli a apo do takey. Masinmo da ori am pahanhanen da ori a somabway no jyojika ni Yeso. (Si Simong rana am tao do Cidinay a inyapwan da ni Yadisanta kani Lovo.)

Nimlivolivon 11:20

Am o tatasa ka tao do Saypolose a pongso a kado Cidinay am nimangay sira do Antia a meylimwang no ciriciring ni Yeso do beken a Yotay.

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Nimlivolivon 13:13

Meyratateng am mavang sira Pawlo do avang a apo do Pavo a mangay do Peyke a ili a macinapnap do Pangveydiya. Makaranes sira do dang am karwan na sira ni Yowani Make a kapeysinaoli na mangay do Yelosaleng.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 14:24

Mangay rana sira am meyhatay sira do Pisitiya. Mownay am makaranes sira do Pangveydiya.

Nimlivolivon 15:38

Am ji na mya ni Pawlo. Ta no keypisa am jya nimakey a macihza jira si Yowani Make. Am ori o nipacisyay na jira do Pangveydiya.

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 17:21

O pancyan da no akman sang am o tao do Yatyan a kano apo do tarek a ili a misan dang a tao am ji da mapakdengi o kapeyvazay da. Ta o ikakza da am kapakamizing da so yeyyak da no cicilwan a ciring.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Nimlivolivon 18:23

So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Nimlivolivon 2:11

Amyan jyaten eya so yapo do Kedite a kado Alapo. Am ikongo da todamimini a yamakateneng do aro a ciriciring ta a yamanci no yamapeyzokab a vazay ni Ama ta do to!”

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 27:5

Peyhavasan namen o ili do Cidicya kado Pangveydiya am makaranes namen do Mila a ili a macinapnap do Dicya.

Nimlivolivon 28:15

Mamizing da yamen no amyan do Loma akma nameney kakteh do cinai am mangay da tazapyahen yamen do rako a panazangan a ngaranan da a Yapio. O karwan da am nimangay sira do ngaranan da so Meykatlo a iseysanan a ili a tomazapya jyamen. Macita na sira ni Pawlo am isaray na ji Ama ta do to. Ta nikaitan o onowned na.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 6:9

Am amyan so tao a macioya jya a somkad jya. O tatasa jira am tao do Yotay apo do Cidinay a kado Yadisanta. Sira rana am manaralay do ngaranan da so Peyneynozyan da no somaliway rana tao. O karwan da am tao do Yotay apo do Cidicya kado Yasiya.

Loma 1:15

Am ori o ko ikakman sang a yamakza no kapeylimwang no Mapasaray a Ciriciring na ni Ama ta do to jinyo a yameyili do Loma a tao.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

2 Timotay 1:17

Ta kapakaranes na do Loma am amlivolivon a komala jyaken. Mownay am makala na rana yaken.

Ipaziman 11:8

O kataotao da am to rana nangyan do rarahan do rako a ili. Do dang rana am nipadketan da so Panirsirngen ta do jyojika. O pehngehngayan da so ngaran no ili am Sotoma kano Ayci.