Nimlivolivon 19:4 - Seysyo No Tao

⁴ Maniring si Pawlo am, “O nipanaktak na ni Yowani am yongkad da do mina kapamlis da rana so onowned. O nipanci na pa do Isedi a tao ni Yowani am, ‘Anoyngan nyo o yamanownowjyan pa ka nyaken a yamai a meyngaran si Yeso.’ ”

Nimlivolivon 19:4 ပူးပေါင်းရင်းမြစ်များ

Yowani 1:15

Iya o ipeylimwang ni Yowani amlololos a manci no, “Iya o nimalavat ko na a manownowji pa a mai a ka nyaken. Am mahamahama pa ori ka nyaken. Ta amyan rana no kaji ko pa tazakan do karawan.”

Yowani 1:26

Maniring si Yowani am, “Yako manaktak no ranom. Am amyan so asa ka tao a yamacikaop jinyo a yanyo jyatenngi.

Yowani 1:27

Iya rana am manownowji pa a mai ka nyaken. Am tana manownowji pa mai ka nyaken am yabo pacicingayan ko jya.”

Yowani 1:7

Iya rana am ipanci na do tao o zezngang a kamimin no tao a makamizing sya kapanganoyong da rana.

Nimlivolivon 11:16

Ori o nipakanakman ko so mina ciring na no Panirsirngen ta a si Yeso. Maniring am, ‘Si Yowani rana am nitaktakan na inyo no ranom. Am do kadadayan no araraw am meyhekas jinyo o Seyzi.’