Nimlivolivon 19:27 - Seysyo No Tao

²⁷ Ko citahen rana o vazay ta am yamyan so ikarahet na. Ta o iraralay ta Atemey am yato meypapereh rana sira o tao a yaomraralay nya. Ta do Yasiya rana kado peycyamahamahatawan na am yato meypabo rana o na kadmayan no yata iraralay.”

Nimlivolivon 19:27 ပူးပေါင်းရင်းမြစ်များ

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Ipaziman 13:3

O asa ka oo no omalalam am akman rana so makdeng a nimeyzaza. Am kanimapya na rana no nipeyzazan na. Ori o nisavasavak da no tao do karawan a macilolo do omalalam ang.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:9

Maniring o ikatatlo no tinsi a amlololos am, “O amraralay no omalalam a kano kamamagenan na nipadketan rana so zozogwan a kano lima am,