Nimlivolivon 18:23 - Seysyo No Tao

²³ So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Nimlivolivon 18:23 ပူးပေါင်းရင်းမြစ်များ

Locya 1:3

O akman rana sya vazay am ko na nimanlolok a nyapo do atngeh na kangay na do pinangavosan na a ko nipakapya a nipacinanawan. Am ori o ko pancyan ya jimo, mo Tiawveylo.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Locya 22:43

Amyan so asa ka tinsi a nimapo do teyngato a nimangay a omait do oyowyat na.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 15:41

So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.

Nimlivolivon 16:40

Makowbot rana si Pawlo a kani Sila do pamemtengan am mangay sira do vahay ni Ditiya. So nipakacita da dang so akma dey kakteh do cinai kapait da sira so nakenakem da ji Yeso a kangay da rana.

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 19:1

Amyan rana si Apolo do Kedinto am meypangay pa si Pawlo do Ivoso. So nipeyliktaw na do Vodicya. Ori o nipakasazi na dang so amraralay ni Yeso Kizisto a tao.

Nimlivolivon 2:10

kado Vodicya kado Pangveydiya kado Ayci a kano yapo do Dipiya a masngen do Cidinay. Yamyan jyaten eya so apo do Loma a tao do Yotay a kano beken a tao do Yotay a omahap rana so iwawalam ta tao do Yotay.

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

Cyalatay 1:2

Yaken rana kano akma tey kakteh do cinai do jya am yanamen ipeyteygami inyo a peycyakyokyokayan na do Cyalatay.

Cyalatay 1:9

Nipanci namen rana jinyo no kakwa pa am yako ipanci pa jinyo am no myan so meylimwang nya jinyo so macitarek a nanao a kaji na meyyangayan a kano nimamizing nyo na no kakwa am manoyong o kapeydedna na jira no peyoyaoyyan na ni Ama ta do to.

Cyalatay 4:14

Tana nyo ikarahet no kangangay o ingingnen ko am nyo jya nikahayo yaken. Ta nyo nipehngay yaken do tinsi na ni Ama ta do to a taotawwen. So icyakma koy Yeso Kizisto a nitaotao nyo,

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 4:18

Ahapen nyo o ciriciring eya a ipait nyo so onowned no kadwan jinyo a ipasaray nyo sira.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.