Nimlivolivon 18:22 - Seysyo No Tao

²² Makaranes si Pawlo do Kaysadiya am mangay do Yelosaleng a tomita so akma ney kakteh do cinai a kangay na rana do Antia.

Nimlivolivon 18:22 ပူးပေါင်းရင်းမြစ်များ

Nimlivolivon 10:1

Amyan so asa ka tao do Kaysadiya a ili a meyngaran si Kenaylyo a panirsirngen da no asa lipenpenan a itaysang do Itadi.

Nimlivolivon 10:24

Ikatlo na araw am makaranes rana sira do Kaysadiya. Am amyan rana do dang si Kenaylyo a kano zipozipos na kano kagakagagan na amnanala sya.

Nimlivolivon 11:11

Todey macinao sira makasasnad do nisanan ko a vahay o tatlo a ka beken a tao do Yotay a nitovoy da apo do Kaysadiya a nikomala jyaken.

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Nimlivolivon 14:26

Komavos rana o vazay da do dang am somakay sira do avang a meysinaoli do Antia. Ta do dang nipamnekan na jira ni Ama ta do to a mahap so vazay na. So nikavos na rana no vazay da.

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 15:30

Mangay rana sira o nipamnekan da do Antia am lovoten da rana sira o yamraralay ni Yeso a katoro da no teygami da jira.

Nimlivolivon 15:35

Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.

Nimlivolivon 15:4

Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.

Nimlivolivon 23:23

Am ori o nipanara na no panirsirngen no itaysang so rarwa ka lamlamsoy na. Maniring jira am, “Meykala kamo so adwa poo (200) a itaysang a kano kakapitwan (70) a omavang do baka a itaysang a kapeykala nyo pa so adwa poo (200) a meycinalolot a macihza jira. Ta simahep do ikasyam no toki am yangay nyo si Pawlo do Kaysadiya,

Nimlivolivon 25:1

Macipalit o kabtekan da do Kaysadiya a panirsirngen a meyngaran so Veyseto am mangay rana do Yelosaleng do ikatlo na araw.

Nimlivolivon 25:9

Am kakdain na ni Veyseto o karilaw da nya no tao do Yotay. Maniring ji Pawlo am, “Manngwa, apyahen mo o kangay mo do Yelosaleng a pacicin ko dang an?”

Nimlivolivon 8:40

Nimacita da rana no tao si Veydipo do Atsoto a ili a kalivon na so peycyeylilyan na peylimwangan no Mapasaray a Ciriciring na ni Ama ta do to mangay no kapakaranes na rana do ili do Kaysadiya.