Nimlivolivon 18:21 - Seysyo No Tao

²¹ Karwan na sira am amyan so ciring na jira. Maniring jira am, “No si apyahen ni Ama ta do to am pirwan ko pa o kai ko do jya.” Meyratateng am somakay rana do avang a komaro do Ivoso.

Nimlivolivon 18:21 ပူးပေါင်းရင်းမြစ်များ

Matay 26:39

Omalam a meypanam am meyrorokma. Maniring do inozi na am, “Mo Ama, no si apyahen mo am ji mo norwan jyaken o yatey rako a alalaw ko. Am ji mo na mangozai o nakenakem ko, ta ahahapan mo na sya.”

Make 6:46

Teyka na taitaiden o aro a tao ni Yeso am omangaz do tokon a meynozi.

Locya 9:61

Maniring pa o asa ka tao am, “Mo Panirsirngen, ko ikakza o kapacilolo ko jimo. Am mangay ko pa taitaiden sira o inyapwan ko an.”

Nimlivolivon 15:29

Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”

Nimlivolivon 18:19

Makaranes rana sira do Ivoso am taitaiden na rana sira Paycila kani Akwila kangay na rana do peyneynozyan a macinekanekad do tao do Yotay.

Nimlivolivon 18:20

Taidan da si Pawlo a mownay pa dang amyan am ji na mya ni Pawlo.

Nimlivolivon 18:24

Amyan so asa ka tao do Yotay a meyngaran si Apolo a meyili do Yadisanta nimangay do Ivoso. Iya rana am tey mateneng a mangnanao a mateneng do Seysyo.

Nimlivolivon 19:1

Amyan rana si Apolo do Kedinto am meypangay pa si Pawlo do Ivoso. So nipeyliktaw na do Vodicya. Ori o nipakasazi na dang so amraralay ni Yeso Kizisto a tao.

Nimlivolivon 19:17

Mamizing da no meyvahay do Ivoso a tao do Yotay a kano tao do Sila o akman sang a vazay am manyahey sira. Niminda dang o kapeypakdeng da rana omraralay ni Yeso.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 20:16

Nakenakem na ni Pawlo o kaji namen neykedan do Ivoso, ta ihawa na kasengseng namen do Yasiya, ta meybezbez si Pawlo a mangay do Yelosaleng. Ta ikakza na o kapakapis na so pamaringan da so kanen no tao do Yotay do Osinci.

Nimlivolivon 21:14

Ji namen a pasovoy si Pawlo am to namen rana a macipanadngi. Maniring namen am, “Inaoy no si mangononong o ahahapan na sya ni Ama ta do to.”

Nimlivolivon 21:29

O pancyan da no akman sang am nimacita da si Pawlo a kano asa ka tao do Ivoso a meyngaran si Teloveymo do Yelosaleng. Am ori o nipatolinan da sya ji Pawlo a nimapalolo sya somdep do rako a panaralayan.

Loma 1:10

Ko jimtad a yameynozi ji Ama ta do to do kapeypalanginan na nyaken. So yangay ko jinyo do dang.

Loma 15:32

No si apyahen na ni Ama ta do to am ori o ikasaray ko a mangay jinyo do dang a macigaga jinyo.

1 Kedinto 15:32

Akman so mina alalaw ko do Ivoso. Ta mina akma koy to maciliman do masozi a kokoman so tao do peyrehrehtan da jyaken no tao. No ji mirwa a mavyay o nimawakwak a tao am tana to tamo rana mamaring so kanen do araraw am ibnek so kaji ta limanan do kadadayan na so araraw.

1 Kedinto 16:7

Ta no si apyahen na ni Ama ta do to am ko ikakza o kownay ko pa a macikaop jinyo do dang.

1 Kedinto 16:8

Am to ko pa vezed do Ivoso eya mangay do araraw no ipamarimaring ta so kanen a somaray no nihakawan ta.

1 Kedinto 4:19

Am no si apyahen na yaken ni Yeso a Panirsirngen ta am jyabo kapeyyahahay ko a mangay a tomita jinyo a. No si marateng rana o araraw no yangay ko jinyo do dang am jyabo kaji ko ankadan do vazay da kano ciring da no mapakazwazway a tao.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Sipolay 6:3

Am ori an, ipeypahagnat tamo a macinanao do makdeng a nanao ni Ama ta do to. Ta ori o isaray na ni Ama ta do to.

Yake 4:15

Apyapya o kapanci nyo no, “No si apyahen na ni Ama ta do to a Panirsirngen ta am amyan ta pa a mapeyvazay so makakaday a vazay.”

1 Pite 3:17

No nakenakem ni Ama ta do to o kapeyrarahet da jinyo do kanoyngan nyo am cyaha. Ta apyapya rana ori a kano peyrarehtan da jinyo do kalasan nyo.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

Ipaziman 2:1

Maniring jyaken si Yeso am, “Ipeyteygami mo o yamimong no kyokay do Ivoso. Si maniring ka am, ‘Yamaniring o yameypinan no wanan na so yapito a ka mata no hanit a yaomalam do avak no yapito a ka peyzeyzampwan a niparing da no ovay am: