Nimlivolivon 18:12 - Seysyo No Tao

¹² No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Nimlivolivon 18:12 ပူးပေါင်းရင်းမြစ်များ

Matay 27:19

Pacicin ni Pilato am manovoy o mavakes na so tao a mangay manci nya jya so kaji na manaptan do abo so kararatan a tao, ta tey manganyahey o tatateynep na.

Yowani 19:13

Mamizing na o aro a ciriciring ori ni Pilato am ipakowbot na si Yeso a kalisna na rana ni Pilato do lilisnan na no mapacicici so tao a ngaranan da Niherahedan no Vato. O ingaran da jya no Sipolay a tao am Cyapata.

Nimlivolivon 13:12

Macita na ni Secyo Pawlo o akman sang a vazay am anoyngan na rana si Yeso, do kapeyzokab na no oyowyat no ipangnanao da a omagaz ji Yeso.

Nimlivolivon 13:50

Am pasozisozin da no tao do Yotay o maizay a mahakay a kano meynakem a mavakes a omraralay ni Ama ta do to a mapakakasi si Pawlo a kani Parnapo. Ori o nipowbotan da sira do ili da.

Nimlivolivon 13:7

Kagagan na o mateneng a panirsirngen no Saypolose a meyngaran si Secyo Pawlo. Nipanci na si Parnapo a kani Sawlo a mai, ta kakzeben na o kamizing na so ciriciring na ni Ama ta do to.

Nimlivolivon 13:8

Am ji na nipya no mamnek a tao. (O ngaran na do Sila am si Idima.) Ta naknakmen na o kazazat na jya a omanoyong ji Yeso.

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 17:13

Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao.

Nimlivolivon 17:5

Am o meyili dang a tao do Yotay a ji nganoyong ji Yeso am ikeynanahet da sira. Am ori o nilovotan da so abwata so vazavazay a tao a kano marahet so nakenakem a kapeyzavozavoz da sira so aro a tao a kasdep da do vahay ni Yeson a komala si Pawlo a kani Sila. Ta naknakmen da o kangay da nira do tangain no aro a tao.

Nimlivolivon 18:11

So niyan na dang so kasisi so ikadwa kawan ni Pawlo a mangnanao no ciriciring na ni Ama ta do to.

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 25:10

Maniring si Pawlo am, “Ko myan do tangain mo a yamo pacicin sicyaraw eya a nitovoy ni Kaysa a panirsirngen no Loma. So ko to ngyani do jya pacicin mo. Yamo katenngan yaken a yabo so yacinaratan do tao do Yotay.

Loma 15:26

Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

Loma 16:5

Ko ipeyminaminasi sira o yamalwalovot a yameynozi do vahay da. Ko ipeyminaminasi o kagagan ko a si Ipaynayto. Ta iya rana am ney manma na niomanoyong ji Yeso Kizisto do Yasiya a pongso.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

2 Kedinto 11:10

Abo malas a ciring ni Yeso. So icyakman ko sang a jyalas so ciring jinyo. Am ori o ko jyamoi a manci nya do pongso no Sila so kakman ko sang a ji ngakday so patodahen da jyaken.

2 Kedinto 11:26

No kalivon ko am apokwaro no kapeykaranom na, apokwaro do marahet so nakenakem a tao, pacyangayan no alalaw ko do tao do Yotay a kano beken a tao do Yotay a kano alalaw ko do rako a ili da no aro a tao a kano alalaw ko do kabwan no nihakawan no tao a kano alalaw ko do karakwan no awa, a kapacyangay no alalaw ko do ji meyngongyod a akma koy kakteh do cinai.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.

1 Tesalonicya 2:16

Yada zazaten yamen a yameylimwang no ciriciring na ni Ama ta do to a mapatazadang so beken a tao do Yotay. So da ikanoyong a yameyparo so yapeyraratenan a peydednan no peyoyaoyyan na ni Ama ta do to.

Yake 2:6

Am inyo rana am nyo panyanigen sira o yamakasi a tao. Am o yamapasnesnek jinyo a yamangay ninyo do pacicicyan am sira o katenngan a tao a yaro so nizpi.