Nimlivolivon 17:28 - Seysyo No Tao

²⁸ Ta maniring o asa ka tao am, ‘Iya o yapwan no inawan ta do karawan a yaomzat jyaten.’ Maniring pa sira o mateneng a tao a macikeylyan jinyo am, ‘Yaten rana am akma ney anak yaten.’

Nimlivolivon 17:28 ပူးပေါင်းရင်းမြစ်များ

Locya 20:38

O peypeypangayan no ciriciring eya am si Ama ta do to rana am Tao do to da no mavyay a omanoyong jya tao. Tana nimawakwak rana, avyain na sira. Ta o tao rana do tangain ni Ama ta do to am mamimin a mavyay sira.”

Locya 3:38

Si Kaynan am anak ni Inose. Si Inose am anak ni Sete. Si Sete am anak ni Adam. Si Adam am nyamamaog ni Ama ta do to.

Yowani 11:25

Maniring si Yeso am, “Yaken o mapeyvangon so nimawakwak a tao. Yaken o yapwan no inawan no tao. Tana nimawakwak rana sira o omanoyong jyaken am mirwa pa sira mavyay.

Yowani 5:26

Si Ama ta do to o yapwan no to meyyonong a ikavyay no pahad no tao. So icyakman na sang no Anak na.

Kelosi 1:17

Jya nimamaog pa o makakaday am amyan rana si Kizisto. So ika iya na no tomalamozong no yamakakaday.

Tito 1:12

Amyan so nipanci no asa ka meynakem a tao do Kedite no kakwa. Maniring ori am, “Sira mamimin o tao do Kedite a yamangalalas. So da ikatey manginanawa. Yatey malma sira. Da kakan so yada naknakmen.”

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 12:9

O meysinogat a ama ta do karawan am ta hapen o nanao da. So tamo kanigan nira. Am imanngo rana si Ama ta do teyngato. Jya mahamahama pa o onotan ta jya, do kahap ta so ikavyay no pahad ta.

Sipolay 2:11

Na nivonas o raraten no tao do karawan. So yada rana ipacingay ji Kizisto a mapeyyama si Ama ta do to no yarana nimavonas so raraten a tao. Am ori o na rana ji macimasneki nira ni Yeso a akma ney kakteh do cinai.