Nimlivolivon 17:25 - Seysyo No Tao

²⁵ Iya rana am na ji ngakzeba o tao a somidong sya. Iya o na kapwan no ikavyay no kataotao ta kano meycyamadadayan a kalahen ta tao.

Nimlivolivon 17:25 ပူးပေါင်းရင်းမြစ်များ

Matay 5:45

Ta ori o ipeyngongyod nyo a akma ney anak ni Ama ta do to. Ta yameyyangay sira o apya so nakenakem a tao a kano marahet so nakenakem a tao a na cirain ni Ama ta do to no araw. So na icyakman sang no cimoy a na itoro do apya so nakenakem a kano marahet so nakenakem a tao.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Nimlivolivon 14:17

Am yaro makakaday a yapya vazay na yongkad na jinyo a yamarilaw ninyo. Na ipanta inyo so cimoy. Na nipasaod o mowamowa nyo. Na absoin inyo. Na pasarain o onowned nyo.”

Nimlivolivon 17:28

Ta maniring o asa ka tao am, ‘Iya o yapwan no inawan ta do karawan a yaomzat jyaten.’ Maniring pa sira o mateneng a tao a macikeylyan jinyo am, ‘Yaten rana am akma ney anak yaten.’

Loma 11:35

“Sino niomazaw sya so paolyan na jya.”

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.