Nimlivolivon 17:11 - Seysyo No Tao

¹¹ O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

Nimlivolivon 17:11 ပူးပေါင်းရင်းမြစ်များ

Matay 13:23

O nizomsi do apya so tanatana am katonodan no tao a omamizing so ciring na ni Ama ta do to a makateneng rana jya a pangozayan a peyvazain. So icyakma ney malasi so makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Locya 1:2

O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya.

Locya 11:3

O kanen namen sicyaraw eya am itoro mo jyamen.

Locya 16:29

Maniring si Apolahan am, ‘Cyaha, ta yamyan so da pangozayan a ciriciring na ni Moyse a kano panoyonoywan na so ciring ni Ama ta do to.’

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 3:21

Am o apya so icicirawat a ji meyraraten a tao am ikakza da o kazngangan a mapatwaw so apya vazay da do kownot da ji Ama ta do to.”

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Nimlivolivon 10:33

Am ori o nipanovoy ko so tao a manci nimo. Ko masaray, ta ka nimai rana. Yamen rana sicyaikwaya am namen malovot do tangain ni Ama ta do to a yaomamizing so nipanci na jimo a inanao na jyamen.”

Nimlivolivon 11:1

O nipamnekan ni Yeso a omlivolivon no ciriciring na kano aro a sinjya do Yotay am mamizing da o beken a tao do Yotay a omanoyong rana do ciriciring na ni Ama ta do to.

Nimlivolivon 17:1

Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay.

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

2 Tesalonicya 2:10

kalita na do ji manganoyong a tao no meykamadadayan a vazay, ta ji da ngahapa o manoyong a nanao na ni Ama ta do to a manta nira so to meyyonong a ikavyay no pahad da.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.