Nimlivolivon 16:25 - Seysyo No Tao

²⁵ Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Nimlivolivon 16:25 ပူးပေါင်းရင်းမြစ်များ

Locya 22:44

Ta no kapeynozi na am tey meyngen o onowned na. So icyakman na so rala no anngennget na amiteng. Am arakorako pa o pasyasyan na ni Yeso ji Ama ta do to.

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 16:19

Katenngan da na no pacivahayan na no mavakes ang o kabo rana no peynizpyan da am rakpen da si Pawlo a kani Sila a lololwen a yangay do panipanirsirngen do ili da.

Nimlivolivon 16:33

No kanang na am nioyasan na no mamzamzat o nipeyzazan da Pawlo a kani Sila. Meyratateng am mamimin sira asa ka vahay a nitaktakan da,

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Ivoso 5:19

O isirisiring nyo so kadwan jinyo am yadomket do Seysyo a Anwanood ni Tawey a kano meyngongyod apo do onowned nyo a yanood nyo si Ama ta do to. Akman sang o peyyanen nyo do onowned nyo a ipasaray nyo si Ama ta do to.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

Yake 1:2

Manga kakteh, tana amyan so alalaw a mangay jinyo am somaray kamo an.

Yake 5:13

No myan jinyo so makasazi so alalaw am meynozi an. No masaray kamo am meyyanwanood kamo an a somaray nya ji Ama ta do to.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.