Nimlivolivon 16:23 - Seysyo No Tao

²³ Mateyka da sira sipsipzotan am pasdepen da sira do pamemtengan a kapanci da no mamzamzat a ominlid so ivaod na sira.

Nimlivolivon 16:23 ပူးပေါင်းရင်းမြစ်များ

Matay 26:48

Amyan so nipaziman na sira no manazang ni Yeso a tao. Maniring am, “O rapongen ko a tao am ori o rakpen nyo.”

Locya 21:12

Am do ji na sasnaji pa no alalaw eya am o mahap so ngaran ko a tao am rakpen da sira no tao a kapakakasi da sira, kangay da nira do peyneynozyan a kaneb da jira a kangay da nira do tangain no panipanirsirngen.

Nimlivolivon 12:18

Pezak rana am ikazyak da no aro a meykalsong, ta ji da tenngi o nyangayan ni Pite.

Nimlivolivon 12:4

Marakep na si Pite am pasdepen na do pamemtengan a kapahanhan na so meykalsong a tomita sya. Amyan so meykapat a lipenpenan a teypapapat a mapalipalit a tomita sya. Ta naknakmen na ni Helote o kapacici na sya wakwaken do tangain no aro a tao, no mateyka rana sira mamaring so kanen do Iyeci.

Nimlivolivon 16:27

Mayokay o mamzat jira am to na cita o pangengneban a nimeywang. Ipanci na o kanisomaway da rana no nipteng da tao. Am ori o nipangap na so ipangan na ipanma na do kataotao na.

Nimlivolivon 16:36

Maniring o mamzamzat ji Pawlo am, “Na ipanci no panipanirsirngen o na kapasaway jimo a kani Sila. So to nyo na makowboci a somaliway.”

Nimlivolivon 5:18

Am ori o nirakpan da sira kaneb da jira do pamemtengan.

Nimlivolivon 5:23

Maniring sira am, “Namen makaranes do pamemtengan am namen macita o pangengneban na yamakagi. O mamzamzat am yamyan do pantaw na. Namen iwangan am sira abo rana o tao do sahad na.”

Nimlivolivon 9:2

ta kakzeben na o kapeyteygami na no tomalamozong no aro a peyneynozyan da no tao do Yotay do Tamaseke a ili a manci no kapya da sya omrakep so amraralay ni Yeso a tao, tana mahakay a tana mavakes am miminen na sira yangay do pamemtengan do Yelosaleng.

2 Kedinto 11:23

No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

2 Kedinto 6:5

Nibakbakan da yamen. Nyaneban da yamen. Nigolo da o cicilwan namen no tao. Nimazikna namen. Nimapowaw namen ji makaitkeh. Nimakcin namen.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

Veydimeng 1:9

Ko katenngan o katey rako no pangarilawan mo so tao. Am ko ji gacigaci imo a manidong so tao, ta yako apyapyahen pa o kapasyasi ko jimo do kapanadnad ko jimo. Ta yako rarakeh rana a yada masangib a aptengen, do ko kahap so vazay na ni Yeso Kizisto.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.