Nimlivolivon 15:28 - Seysyo No Tao

²⁸ Ta namen ipeyhanhan o Seyzi a macyanoyong jyamen a ji mapeyparo so vazay nyo. O makekdeng rana a ciring o itoro namen jinyo a pangozayan nyo.

Nimlivolivon 15:28 ပူးပေါင်းရင်းမြစ်များ

Matay 11:30

O ko inanao jinyo am jyasalit a pangozayan nyo. O ko pahanhanan jinyo a vazay am jyasalit.”

Matay 23:4

Sira rana am da nanawen sira o tao a mahap so tey masalit a nanao ni Moyse. Am sira am da ji mangozai.

Yowani 16:13

No mai rana o Seyzi a yamapatwaw so manoyong a nanao ni Ama ta do to am ipeypalanginan na inyo. Am ji na mangozai o oyowyat na. Ta nimamizing na o ipanci na jinyo. So pancyan na nya jinyo so omanam pa vazay.

Nimlivolivon 15:19

Maniring pa si Yake am, “O nakenakem ko am taosya o kapeyparo ta so vazay da no yarana amraralay ni Ama ta do to a beken a tao do Yotay.

Nimlivolivon 15:25

Am ori o namen nipeysirsirngan nya no kapanovoy namen so mangay jinyo do dang. So da ipacihza ji Parnapo a kani Pawlo a akma tey kakteh do cinai,

Nimlivolivon 15:8

Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya,

Nimlivolivon 16:4

Omrateng sira do peycyeylilyan na am ipanci da o mina kaygi da do Yelosaleng no nipamnekan ni Yeso a omlivolivon no ciriciring na kano panipanirsirngen do kyokay do dang a panginginaran da.

Nimlivolivon 5:32

Am ori o namen peylimwangan no akman sya vazay. Ta yamen a kano Seyzi o yongkad na. Ta o Seyzi rana am na itoro ni Ama ta do to a macikaop do mahap so ciriciring na tao.”

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

1 Kedinto 7:40

Am no ji na ranakzan o kapacivahavahay na am apyapya rana o akman sang. Ori rana am nakenakem ko ori do kataotao ko. Am ko naknakmen o katalamozong na nyaken no Seyzi na ni Ama ta do to.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

Ipaziman 2:24

“ ‘Am inyo rana tatasa ka tao do Tiyatila a jya niomonot do malas a nanao a jya nimacinanao do matayo a iwawalam ni Satan am ji ko na norwan jinyo o masalit a ji nyo a patakan a vazay.