Nimlivolivon 15:22 - Seysyo No Tao

²² No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 15:22 ပူးပေါင်းရင်းမြစ်များ

Nimlivolivon 1:23

So nipamnek da so rarwa ka tao a meyngaran si Yoseyvo a kani Matiya. O kasaing no ngaran ni Yoseyvo am si Pasapa kani Yoseto.

Nimlivolivon 11:19

Wakwaken da si Setiven am peyvwaken da na o omraralay ni Yeso a tao. Am ori o nikarwan da do Yelosaleng a mangay tomayo do Vongnise a kado Saypolose a kado Antia a kapeylimwang da no ciriciring na ni Ama ta do to do tao do Yotay.

Nimlivolivon 11:20

Am o tatasa ka tao do Saypolose a pongso a kado Cidinay am nimangay sira do Antia a meylimwang no ciriciring ni Yeso do beken a Yotay.

Nimlivolivon 11:22

Mamizing da no omraralay ni Yeso do Yelosaleng o akman sang a vazay am tovoin da si Parnapo a mangay do Antia.

Nimlivolivon 11:27

No kanang rana am amyan so manoyonoyo so ciring ni Ama ta do to a apo do Yelosaleng a mangay do Antia.

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 15:25

Am ori o namen nipeysirsirngan nya no kapanovoy namen so mangay jinyo do dang. So da ipacihza ji Parnapo a kani Pawlo a akma tey kakteh do cinai,

Nimlivolivon 15:27

O namen nipamnekan rana am si Yota kani Sila. Sira o namen hanhan a manci no ciring namen do teygami eya.

Nimlivolivon 15:3

Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.

Nimlivolivon 15:30

Mangay rana sira o nipamnekan da do Antia am lovoten da rana sira o yamraralay ni Yeso a katoro da no teygami da jira.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 15:40

Si Pawlo rana am nipamnekan na si Sila a macihza jya. Karwan da sira o akma dey kakteh do cinai am ipeynozi da sira ji Ama ta do to a omzat jira.

Nimlivolivon 16:19

Katenngan da na no pacivahayan na no mavakes ang o kabo rana no peynizpyan da am rakpen da si Pawlo a kani Sila a lololwen a yangay do panipanirsirngen do ili da.

Nimlivolivon 16:25

Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Nimlivolivon 16:29

O mamzamzat rana am manovoy so tao a mangap so zampo. Somdep rana am manyahey a to na nizikzik a mangay meylilitod do tangain da da Pawlo a kani Sila.

Nimlivolivon 17:10

Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay.

Nimlivolivon 17:14

Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Nimlivolivon 8:14

O nipamnekan ni Yeso a omlivolivon no ciriciring na amyan do Yelosaleng am mamizing da o keyyan no tao do Samadiya a mahap rana so ciriciring na ni Ama ta do to. Am ori o nitovoyan da si Pite a kani Yowani a mangay jira.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

1 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

2 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.