Nimlivolivon 15:20 - Seysyo No Tao

²⁰ Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala.

Nimlivolivon 15:20 ပူးပေါင်းရင်းမြစ်များ

Nimlivolivon 15:29

Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”

Nimlivolivon 21:25

Yamen rana am nipeyteygami namen sira o yaomanoyong ji Yeso Kizisto a beken a tao do Yotay, do kaji da nganan so nipazos da, kaji da nganan so rala no vinyay kano nivitkeh da vinyay a nimazakat a jya nimvoyog so rala. Taosya o kapangzakza da so icyatatao da.”

1 Kedinto 5:11

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

1 Kedinto 7:2

Am yana katey yaro no vazay da yamapasagpyan so kataotao da. Am ori o ikapyapya na rana no kapazagpit da no mahakay. Akman sira so sang o mavakes a macivahavahay.

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

Cyalatay 5:19

Mapengkad o marahet a vazay no tao. Ta to rana tenngi do icicirawat da, akman so macimasesnek a vazay,

Ivoso 5:3

Ji nyo pasngesngena o mangzakza kano pangagoman nyo. Ta o akman rana sang am no peyyanen do onowned ori a kapeynyagamo nya am tey marahet o akman sang. Ta akmey anak na rana inyo ni Ama ta do to. So ikapyapya na no kasaray nyo no sidongan na jinyo ni Ama ta do to.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

1 Tesalonicya 4:3

O nakenakem na ni Ama ta do to am kakzeben na o kazngang no onowned nyo. Ji na mamyapyan inyo a mangzakza so icyatatao nyo.

Sipolay 12:16

Taosya o kapasagpyan nyo so aktokto nyo. Ji nyo nginara si Isaw a meyparai ji Ama ta do to a mangazaw no ngaran na kabnekan ni ama na, do kaooo na no pinaring na kanen ni wari na.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

Ipaziman 10:2

O lima na am meypinan so mavezay a likta vakong. O asa ka ai na am amzasag do awa. O asa ka ai na am amzasag do kacyan.

Ipaziman 10:8

Makarahan am mamizing ko pa o nimamizing ko pa no kakwa apo do teyngato. Maniring am, “Mangay mo hapen kai mo no yamavezay a vakong do lima no tinsi a yameytatanek do awa kado kacyan.”

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.

Ipaziman 9:20

O karwan no tao do karawan a jya nimawakwak no apo do ngongoy no baka am ji da macimazai o kararalay da no kalamsoyan ni Satan a kano ovay a kano gizit a kano vato a kano kayokayo a nyamaog da a ji makacita, ji makamizing, ji makalam.