Nimlivolivon 14:23 - Seysyo No Tao

²³ Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 14:23 ပူးပေါင်းရင်းမြစ်များ

Matay 17:21

[To nyo peykakasa o onowned nyo a meynozi a ji mangakaday. Ta ori o ikavozwaw no akman so sang a kalamsoyan ni Satan.”]

Make 3:14

Pamnekan na sira o rarwa so ikakarwan na (12) am abneken na sira amlivolivon no ciriciring na. Maniring jira si Yeso am, “Ko inyo nipamnekan a macikaop jyaken. So ko tovoyan jinyo a meylimwang no ciriciring ko.

Locya 2:37

O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da.

Locya 23:46

Meyratateng am amlololos si Yeso a manci no, “Mo Ama, itoro ko jimo o pahad ko.” Teyka na o ciring na am mazavat o inawan na.

Nimlivolivon 1:24

Meyratateng am meynozi sira a manci no, “Mo Panirsirngen, mo katenngan o nakenakem no tao do teyrahem. So pancyan mo nya jyamen so nipamnekan mo do yararwa eya,

Nimlivolivon 11:30

O nilovot da na nizpi am nipahanhan da si Parnapo a kani Sawlo a mangay nya do panipanirsirngen da do kyokay do Yelosaleng.

Nimlivolivon 14:26

Komavos rana o vazay da do dang am somakay sira do avang a meysinaoli do Antia. Ta do dang nipamnekan na jira ni Ama ta do to a mahap so vazay na. So nikavos na rana no vazay da.

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 15:4

Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.

Nimlivolivon 15:6

Meyratateng am peysirisiring da no nipamnekan ni Yeso a omlivolivon no ciriciring na kano panipanirsirngen da do kyokay o ciring da no tao a macyagom do Vadisay.

Nimlivolivon 20:17

Amyan si Pawlo do Midito am manovoy so tao a mangay do Ivoso a manci no panipanirsirngen do kyokay a mai a tomita sya.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

2 Kedinto 8:19

Beken a ori an, ta iya rana am da nitenngan no peycyakyokyokayan na yamacilivon jyamen a mapeyvazay so pangangarilawan na ni Ama ta do to. O namen ahapan so akman sya vazay am yatomngeh do azwazway ni Ama ta do to a ipakateneng da jyamen a meyngongyod so nakenakem a mangarilaw so tao.

1 Timotay 5:1

Ji mo sira oyyan o rarakeh rana mahakay an. Ta akmey inyapwan mo sira pamizngen. No nanawen mo sira o malalavayo a mahakay am pehngehngain mo sira do kakteh mo.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 2:2

Ahapen mo o nanao a nimamizing mo jyaken do tangain da no aro a tao a inanao mo so milamdam mo a makdeng so nakenakem a tao a kananao da so icyatatao da.

Tito 1:5

Nivezed ko imo do Kedite a pongso no kakwa, ta pakavosen mo pa o ji ta pa nipakavos a vazay a kapamnek mo pa do peycyeylilyan na so tomalamozong no kyokay a tao, akman so mina ciring ko jimo no kakwa pa.

Yake 5:14

No myan jinyo so meyngen am ipanci na sira o panipanirsirngen do kyokay a meynozi nya a kapangozay da do ngaran na ni Yeso Kizisto a Panirsirngen ta a komoris jya no haneng.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.

3 Yowani 1:1

Yaken rana am cyozo ko a yameyteygami ni Cyayo a ney kaglaw ko a akma koy kakteh do cinai.