Nimlivolivon 14:22 - Seysyo No Tao

²² So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 14:22 ပူးပေါင်းရင်းမြစ်များ

Matay 10:38

O ji nabway no jyojika na a macihza jyaken am ji ko na abneka ori a macilolo jyaken.

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Matay 19:24

Ko pa ipanci jinyo am mowwamek pa o meykavokovokoz so likod a baka a lomyos do lala no rayom a kano aro so peymeymasaodan a macikaop do italamozong na ni Ama ta do to.”

Make 10:30

arwaro pa o makadpeh jya do karawan a vahay na kano kakakteh na kano inyapwan na kano minapodpod jya kano nihakawan na. Am amyan so alalaw na do karawan. Am cyaha, ta mahap na no makwa o to meyyonong a ikavyay no pahad na.

Make 9:47

No si asa ka mata mo o nipeyraraten mo am to rana ngoswa. Tana asa mata a kapakasalap do italamozong ni Ama ta do to am apyapya pa ori a kano meynanod so mata mangay do kararatan.

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Yowani 15:18

“No pacioyyan da inyo no ji nganoyong jyaken am naknakmen nyo o kanimanoma da na nimacioya jyaken.

Yowani 15:20

Peyyanen nyo do onowned nyo o yako nipanci jinyo. Ji na meyhavasi no lamlamsoy o mapavahay sya tao. No si peyrarehten da yaken am akman kamo sang a peyrarehten da. No si onotan da o ciring ko am onotan da o ipangnanao nyo a ciring.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 11:26

Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 14:20

Limoten da no amraralay ni Yeso a tao am to meytatanek a meyvangon a kangay na rana do ili da. Ikadwa na araw am mangay rana sira kani Parnapo do Tepey.

Nimlivolivon 14:28

So nikownay da dang da Pawlo a kani Parnapo a macikaop do akma dey kakteh do cinai do Antia.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 15:41

So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.

Nimlivolivon 18:23

So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

1 Pite 2:21

Ori o peypeypangayan na no na panopan jinyo ni Ama ta do to. Ta akman sang si Yeso Kizisto a nimanngannga ninyo. So inaran nyo sya a to nazibo no alalaw nyo.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Pite 5:9

Pahadpeten nyo o nakem si Ama ta do to. Likodan nyo o vazay ni Satan. Ta nyo katenngan sira o akma nyoy kakteh do cinai a yakman jinyo a yamakasazi so alalaw da a yamraralay ni Ama ta do to.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.

Ipaziman 7:14

Maniring ko am, “Imo o makateneng jya.” Maniring jyaken am, “Sira rana am nimasapa da o rako a alalaw da no kakwa. Sira rana am nioyasan da no rala no Kagling o ayob da. So na ikalalavang rana no ayob da.