Nimlivolivon 14:15 - Seysyo No Tao

¹⁵ “Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Nimlivolivon 14:15 ပူးပေါင်းရင်းမြစ်များ

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Yowani 5:26

Si Ama ta do to o yapwan no to meyyonong a ikavyay no pahad no tao. So icyakman na sang no Anak na.

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Nimlivolivon 10:26

Maniring si Pite jya am, “Peytatanek rana. Ji ka akman sang, ta meyyangay ta tao.”

Nimlivolivon 13:32

Sicyaraw rana ya am namen ipeylimwang jinyo o Mapasaray a Ciriciring na ni Ama ta do to. O nipanci na pa ni Ama ta do to do ineynapo ta am yana nimangononong jyaten an. Ta na nivyay si Yeso ni Ama ta do to akman so nivatvatkan do ikadwa na no Anwanood. Maniring am, ‘Imo am Anak ko imo an. So peylimwangan ko nimo sicyaraw eya do yamo kapeyyama jyaken.’

Nimlivolivon 14:21

Makaranes sira do Tepey am ipeylimwang da o Mapasaray a Ciriciring na ni Ama ta do to. Am ori o nipeyparo da no tao a omanoyong rana ji Yeso. Meyratateng am meysinaoli rana sira mangay do Disetela kado Ikenyan a kado Antia ili a macinapnap do Pisitiya.

Nimlivolivon 14:7

kapeylimwang da dang no Mapasaray a Ciriciring na ni Ama ta do to.

Nimlivolivon 16:30

Meyratateng am powboten na sira. Maniring jira am, “Manga kahakay, makongo ko so wanjin a kapakahap ko so to meyyonong a ikavyay no pahad ko.”

Nimlivolivon 27:10

“Manga keypong, ko citahen o palanginan am manginanawa ta no si meypangay ta. Jyabo kaji na kavan no avang ta. Ji na zyodan o aro a warawara do avang eya.”

Nimlivolivon 27:21

Ikongo do tey mownay namen a jya nimangakaday, am ori o nipeytatanek ni Pawlo. Maniring am, “Kokay kamo. No nyamizing nyo o ciring ko asyo do kaji ta pasongayan sya do Kedite a pongso am jyabo ta mina kakman sya yamakavakava so avang a.

Nimlivolivon 27:25

Am ori o ji nyo anyahei, manga keypong an. Ta ko anoyngan si Ama ta do to a mangononong do ciring na jyaken.

Nimlivolivon 4:24

Mamizing da am malovot sira meynozi ji Ama ta do to. Maniring sira am, “Mo Panirsirngen a nimangamamaog so hanit a kano teyrahem a kano awa kano meycyamadadayan,

Nimlivolivon 7:26

Ikadwa na araw am macita na o rarwa ka keylyan da meyliman. Am ori o nipeyyawwan na sira. Maniring jira am, ‘Manga kahakay, inyo rana am kamo meykeylyan. Ikongo nyo ipeyliman.’

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

1 Timotay 3:15

Am no si kahahay ko am cyaha, ta to ko na mancyan jinyo do teygami ko o iwawalam ta. Ta yaten rana amraralay ni Ama ta do to am akma tey asa ka vahay rana, do yana katketken jyaten ni Ama ta do to no ciriciring na no to meyyonong a mavyay a Tao do to.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Yake 5:17

Meyyangay ta tao a kani Idiya. Ikongo do tey makdeng a meynozi no kaji na cimoyan, am ori o ikanoyong na jya nimacimoy a kasisi so ikapat a kawan.

Ipaziman 14:7

Maniring a amlololos am, “Anooden nyo si Ama ta do to a iraralay. Ta yana marateng o araraw na no ipacici na a mapeykapyapinpin so tao do karawan. So raralayan nyo no yanimangamaog so hanit a kano teyrahem a kano awa kano tozongan no makakaday a atbod a ranom.”

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 19:19

Karahan am macita ko paha o omalalam a kano panipanirsirngen do teyrahem a amlovot so itaysang da a omarap so maoran do baka tao a kano kalavongan na.

Ipaziman 22:9

Am maniring jyaken am, “Ji ka akman sang. Ta yaken rana ka nimo a kano akma moy kakteh do cinai a yana panoyonoywan so ciring a kano yamangozay do ciring do vakong eya am to meyyangangay a lamlamsoy na. So ikapyapya na pa ni Ama ta do to a iraralay mo.”

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”