Nimlivolivon 14:1 - Seysyo No Tao

¹ Makaranes si Pawlo a kani Parnapo do Ikenyan a ili am mangay sira do peyneynozyan da no tao do Yotay a mangnanao. So nikaro no tao do Yotay a kano beken a tao do Yotay a omanoyong rana ji Yeso.

Nimlivolivon 14:1 ပူးပေါင်းရင်းမြစ်များ

Make 7:26

Sira o meyina am ji sira macikeylyan do tao do Yotay, ta meyvahay sira do Vongnise a macinapnap do Sidiya. So nipasyasi no ina na ji Yeso amvozwaw so kalamsoyan ni Satan a komovot do anak na.

Yowani 12:20

Amyan so tao do Sila a nimangay do Yelosaleng a mamaring so kanen a omraralay ni Ama ta do to.

Yowani 7:35

Maniring sira o panipanirsirngen da no tao do Yotay do kadwan jira am, “Do wanjin na angayan a ji tamo makakalai sya. Yamangay saon a yameyvahay do Sila a amnanao sira so kasina ta no inawan?

Nimlivolivon 11:21

Amyan jira o oyowyat ni Ama ta do to. Am ori o nipeyparo da no tao a omraralay ni Yeso.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 13:46

Am ikakdekdeng ni Pawlo a kani Parnapo a meyzezyak a omnanao sira. Maniring sira am, “O ciriciring na ni Ama ta do to am nimanma kamo a peylimwangan nya. Am nyo kaji nganoyngan jya. Nyo to nazibwan o na kapanta ninyo ni Ama ta do to so to meyyonong a ikavyay no pahad nyo. Am ori o namen karwan rana jinyo a mangay do beken a tao do Yotay.

Nimlivolivon 13:5

Makaranes sira do Salami a ili am ipeylimwang da o ciriciring na ni Ama ta do to do aro a peyneynozyan da no tao do Yotay. No kanang am nimacihza jira si Yowani Make a somidong sira do vazay da.

Nimlivolivon 13:51

Am ori o nitoktokan da so tana do ai da da Pawlo a kani Parnapo a itovil da jira meyraraten a ji mamlis so nakenakem. Meyratateng am karwan da rana sira a mangay do Ikenyan.

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 14:21

Makaranes sira do Tepey am ipeylimwang da o Mapasaray a Ciriciring na ni Ama ta do to. Am ori o nipeyparo da no tao a omanoyong rana ji Yeso. Meyratateng am meysinaoli rana sira mangay do Disetela kado Ikenyan a kado Antia ili a macinapnap do Pisitiya.

Nimlivolivon 16:1

Mangay sira do Tepey a kado Disetela am amyan dang so asa ka tao a amraralay ni Yeso a meyngaran si Timotay. O ina na am tao do Yotay a amraralay ni Yeso. Am o ama na am tao do Sila.

Nimlivolivon 16:2

Ikanig da si Timotay no akma dey kakteh do cinai do Disetela kado Ikenyan.

Nimlivolivon 17:12

Am ori o nikaro no nimanganoyong a tao do Yotay a kano meynakem a mavakes do Sila kano tao do Sila mahakay.

Nimlivolivon 17:17

Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Nimlivolivon 18:4

Mangday so ipeywalam no tao yangay ni Pawlo do peyneynozyan a macinekanekad, kananao na so tao do Yotay a kano tao do Sila. Ta kakdain na sira omanoyong ji Yeso.

Nimlivolivon 18:8

O tomalamozong no peyneynozyan a meyngaran si Kedisepo a ka nira asa ka vahay am nimamimin sira omanoyong ji Yeso a kano aro a tao do Kedinto a nimakamizing so nipangnanao ni Pawlo a omanoyong rana ji Yeso a kataktak da jira.

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Nimlivolivon 19:17

Mamizing da no meyvahay do Ivoso a tao do Yotay a kano tao do Sila o akman sang a vazay am manyahey sira. Niminda dang o kapeypakdeng da rana omraralay ni Yeso.

Nimlivolivon 19:8

So nipakatlo na vehan dang ni Pawlo a to ngyan do peyneynozyan a macinekanekad jira a manci no agagazan no italamozong na ni Ama ta do to a mapanod so tao a omanoyong ji Yeso Kizisto.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 10:12

O peycirngan na so sang am kazagoman ta tao a meyhanhan nya. So ikabo rana no tao do Yotay a kano beken a tao do Yotay, ta si Ama ta do to rana am Panirsirngen ta tao do karawan. So ikanoyong na manta no mapasyasi jya tao so kakzeben da no nakem.

Cyalatay 2:3

Ikongo do nisaray da o vazay ko no kanang, am ori o ji da nimgacigaci ji Tito amyongkad do kataotao na a mahap so iwawalam ni Moyse. Ta si Tito rana am beken a tao do Yotay, ta tao do Sila.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.