Nimlivolivon 13:50 - Seysyo No Tao

⁵⁰ Am pasozisozin da no tao do Yotay o maizay a mahakay a kano meynakem a mavakes a omraralay ni Ama ta do to a mapakakasi si Pawlo a kani Parnapo. Ori o nipowbotan da sira do ili da.

Nimlivolivon 13:50 ပူးပေါင်းရင်းမြစ်များ

Matay 10:23

No peyrarehten da inyo do asa ka ili am to kamo na nayo a mangay do asa ka ili. To ko na macitangayan jinyo am ji nyo pa nilivon o ili do Isedi a peylimwangan no ciriciring ko am meyhekas ko rana a Nipamnekan na ni Ama ta do to a tao.

Make 5:17

Am ori o nipancyan da rana ni Yeso a komaro do dang.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 13:45

Am macita da no tao do Yotay o karo da no meylovolovot a tao am ikeynanahet da sira. Am ori o rehrehtan da si Pawlo a kano ciriciring na.

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 14:4

So nipeypinpin da no tao do dang. O asa lipenpenan am macikagom do tao do Yotay. O asa lipenpenan am macyagom da Pawlo a kani Parnapo a omanoyong do nanao da.

Nimlivolivon 14:5

Am o tao do Yotay a kano panipanirsirngen da kano kararay da beken a tao do Yotay am naknakmen da o kapaciliman da ji Pawlo a kani Parnapo a agsagsahan.

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 17:12

Am ori o nikaro no nimanganoyong a tao do Yotay a kano meynakem a mavakes do Sila kano tao do Sila mahakay.

Nimlivolivon 17:13

Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao.

Nimlivolivon 17:17

Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Nimlivolivon 18:7

Meyratateng am karwan na rana sira ni Pawlo a kangay na meyvahay do vahay ni Tito Yoseto. Iya rana am beken a tao do Yotay a omraralay ni Ama ta do to. O vahay na am macitangked do peyneynozyan.

Nimlivolivon 2:5

No kano nang am amyan so tao do Yotay apo do peycyamahamahatawan na kano meyvahay do Yelosaleng a makekdeng so nakenakem ji Ama ta do to.

Nimlivolivon 21:27

Makeykai rana komavos o ikapito na araw am amyan so tao do Yotay apo do Yasiya a nimakacita si Pawlo do rako a panaralayan. Karahan am manara sira so aro a tao a kapeyvonag da sira. Ori o nirakpan da si Pawlo.

Nimlivolivon 28:17

Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin.

Nimlivolivon 6:12

Ori o nisozi da no aro a tao a kano kamanrarakehan a kano mangnanao no iwawalam ni Ama ta do to. Ori o nirakpan da si Setiven a yangay do rako a peykeykaygyan.

Nimlivolivon 8:1

Yamyan so amraralay ni Yeso a nimonong do inawan na ni Setiven. So nizezezeng da amlavi jya. Am si Sawlo rana am nisaray na o kazakat da sya. Nimapo no kano nang o kakdekdeng da pa a mapakakasi so amraralay ni Yeso a tao do Yelosaleng. Tey makdeng si Sawlo a mapakakasi sira, kakakaday na so kavahayan da peycyarakrakpen so mavakes a kano mahakay a kalolo na sira a pasasaziden a yangay na do pamemtengan. Am ori o nipeyvwak da rana no amraralay ni Yeso a mangay do peycyeylilyan na do Yotay a kado Samadiya. Am o nipamnekan ni Yeso a omlivolivon no ciriciring na am todavezed do Yelosaleng.

Loma 10:2

To ko na macitangain jinyo am yamanoyong da kakdeng no nakem ji Ama ta do to. Am yaji macimangno o da katenngan.

2 Kedinto 11:26

No kalivon ko am apokwaro no kapeykaranom na, apokwaro do marahet so nakenakem a tao, pacyangayan no alalaw ko do tao do Yotay a kano beken a tao do Yotay a kano alalaw ko do rako a ili da no aro a tao a kano alalaw ko do kabwan no nihakawan no tao a kano alalaw ko do karakwan no awa, a kapacyangay no alalaw ko do ji meyngongyod a akma koy kakteh do cinai.

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.