Nimlivolivon 13:48 - Seysyo No Tao

⁴⁸ Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 13:48 ပူးပေါင်းရင်းမြစ်များ

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Matay 28:16

Makaranes sira o asa so ikakarwan a macinanao jya do Cyadidi am mangay sira do nipamnekan ni Yeso a angayan da tokon.

Locya 7:8

Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamavevevehan pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Yowani 11:52

Beken a tao do Yotay o ikawakwak na, ta mangay na peylovolovoten o mavonong do peycyavanovanwan na omraralay ni Ama ta do to a tao akmey yasa rana.

Nimlivolivon 13:12

Macita na ni Secyo Pawlo o akman sang a vazay am anoyngan na rana si Yeso, do kapeyzokab na no oyowyat no ipangnanao da a omagaz ji Yeso.

Nimlivolivon 13:42

Mateyka rana mangononong si Pawlo am karwan da rana kani Parnapo o peyneynozyan. Maniring sira o niomamizing sya a tao am, “Si ipisa kapeywalam no tao am mai kamo pa omnanao jyamen.”

Nimlivolivon 15:2

Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.

Nimlivolivon 15:31

Vilangan da rana o teygami da jira am masasaray sira, ta apiya o ciring da ipait da sira.

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 20:13

Nimanmanma namen a omavang do avang a mangay do Aso. Si Pawlo am to mangonong do rarahan. Ipanci na o kangay namen masinsinmo do Aso a ili.

Nimlivolivon 22:10

Pacicin ko am, ‘Mo Panirsirngen, meypanngonngo ko so wanjin eya.’ Maniring jyaken o Panirsirngen ta am, ‘Peyvangon rana kangay mo do Tamaseke, ta amyan dang so asa ka tao a manci nya jimo so kakzeben na ni Ama ta do to a vazay mo.’

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 8:8

So ikasasaray da no tao do dang.

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 13:1

Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

Ivoso 1:19

Yamapeyzokab o na vazay no oyowyat na do yaomanoyong jya tao. Oyowyat rana ori am

Ivoso 1:4

No kaji na pa amaogan no karawan am nipamnekan na rana yaten ni Ama ta do to a monganay jya. Ta nikawakwak ni Yeso Kizisto o raraten ta. So ikanoyong ta abo rana so karatan do tangain na ni Ama ta do to. Na tey karilaw yaten ni Ama ta do to.

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

2 Tesalonicya 3:1

Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.