Nimlivolivon 13:47 - Seysyo No Tao

⁴⁷ Ta yamyan so na nipakolivava rana jyamen ni Ama ta do to a ciring na. Maniring jyamen am, ‘Ko na nipamnekan inyo a akma dey zezngang no beken a tao do Yotay. Ipeylimwang nyo do peycyamahamahatawan na o kapatazadang ko sira do teyngato.’ ”

Nimlivolivon 13:47 ပူးပေါင်းရင်းမြစ်များ

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Make 16:15

Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan.

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 26:23

Ta o nipeylimwang da da Moyse am manoyong keyyan no alalaw ni Kizisto a wakwaken da. So ika iya na no ney manma na a nimirwa a mavyay. Ta iya o mapatazadang jyaten a tao do Yotay a kano beken a tao do Yotay.”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.