Nimlivolivon 13:43 - Seysyo No Tao

⁴³ Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 13:43 ပူးပေါင်းရင်းမြစ်များ

Matay 23:15

Inyo rana yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am kamo amlivolivon do peycyavanovanwan na yamapanod so tao. No sira omanod rana am nyo abwangen sira yaominara jinyo. So da ikaraherahet pa ka ninyo. So ikaraherahet da pa ioya na ni Ama ta do to.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 13:50

Am pasozisozin da no tao do Yotay o maizay a mahakay a kano meynakem a mavakes a omraralay ni Ama ta do to a mapakakasi si Pawlo a kani Parnapo. Ori o nipowbotan da sira do ili da.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 17:17

Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan.

Nimlivolivon 17:34

So niyan no tao a omanoyong ji Yeso a kapacihza da rana ji Pawlo. O asa am asa ka panirsirngen da do Adipako a meyngaran si Tinisyo a kano asa ka mavakes a meyngaran si Tamadi a kano karwan da tao.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Nimlivolivon 18:7

Meyratateng am karwan na rana sira ni Pawlo a kangay na meyvahay do vahay ni Tito Yoseto. Iya rana am beken a tao do Yotay a omraralay ni Ama ta do to. O vahay na am macitangked do peyneynozyan.

Nimlivolivon 2:10

kado Vodicya kado Pangveydiya kado Ayci a kano yapo do Dipiya a masngen do Cidinay. Yamyan jyaten eya so apo do Loma a tao do Yotay a kano beken a tao do Yotay a omahap rana so iwawalam ta tao do Yotay.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Loma 3:24

So na nitovoyan si Yeso Kizisto a yasomidong jyaten a komaro do raraten ta do na karilaw nyaten. So ikanoyong ta na abo so raraten do tangain na ni Ama ta do to.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

2 Kedinto 5:11

Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Veydipi 3:16

Am ji ta ablis so nakenakem a mangozay do manoyong a nanao a nimamizing ta.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:28

Si Kizisto o namen ipeylimwang do aro a tao. Am ori o na ikabo no namen jyasapa rana a ipeylimwang do tao a ivavaga jira, ipaziman sira, a kanoyong da rana a meypahagnat so nakenakem a amraralay ni Yeso Kizisto.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

1 Yowani 2:28

Ji nyo ngawawan o kapacikaop nyo ji Kizisto, manga ovay an. Ta no si marateng o araraw no yai na am abo rana ikarahet nyo no onowned do tangain na.

2 Yowani 1:9

O ji ngahap so nanao ni Kizisto a mapasala jya tao am abo do onowned na si Ama ta do to. O mahap so nanao na ni Ama ta do to a tao am manoyong sira akma ney anak ni Ama ta do to a macikaop ji Yeso Kizisto.