Nimlivolivon 13:41 - Seysyo No Tao

⁴¹ ‘Inyo a yamangolala a tao am amizngen nyo an. Amyan so macita nyo a ikanyahey nyo a vazay a pasingsingtan ko jinyo. Tana yamyan so tao a mapaziman sya jinyo am nyo ji nganoyngi.’ ”

Nimlivolivon 13:41 ပူးပေါင်းရင်းမြစ်များ

Locya 16:14

Mamizing da no tao a macyagom do Vadisay o ciring na ni Yeso am ipeykeykaming da, ta ikakza da o nizpi.

Locya 23:35

Aro tao a meytatanek a tomangara sya. O panipanirsirngen no tao do Yotay am meykeykaming sira manci no, “Na mavyay sira o tao am no yamanoyong a na nipamnekan ni Ama ta do to a Kizisto am na ji vyai so kataotao na.”

Nimlivolivon 13:47

Ta yamyan so na nipakolivava rana jyamen ni Ama ta do to a ciring na. Maniring jyamen am, ‘Ko na nipamnekan inyo a akma dey zezngang no beken a tao do Yotay. Ipeylimwang nyo do peycyamahamahatawan na o kapatazadang ko sira do teyngato.’ ”

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 3:23

O ji ngamizing so panoyonoywan na so ciring am pasyain na jyaten a balinasen ni Ama ta do to.’ ”

Nimlivolivon 6:14

O nimamizing namen a nipanci na am si Yeso a tao do Nasale am kavahen na o rako a panaralayan eya, kablis na do iwawalam ni Moyse a nitaid na jyaten.”

1 Tesalonicya 2:16

Yada zazaten yamen a yameylimwang no ciriciring na ni Ama ta do to a mapatazadang so beken a tao do Yotay. So da ikanoyong a yameyparo so yapeyraratenan a peydednan no peyoyaoyyan na ni Ama ta do to.

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.