Nimlivolivon 13:32 - Seysyo No Tao

^32-33 Sicyaraw rana ya am namen ipeylimwang jinyo o Mapasaray a Ciriciring na ni Ama ta do to. O nipanci na pa ni Ama ta do to do ineynapo ta am yana nimangononong jyaten an. Ta na nivyay si Yeso ni Ama ta do to akman so nivatvatkan do ikadwa na no Anwanood. Maniring am, ‘Imo am Anak ko imo an. So peylimwangan ko nimo sicyaraw eya do yamo kapeyyama jyaken.’

Nimlivolivon 13:32 ပူးပေါင်းရင်းမြစ်များ

Locya 1:19

Maniring o tinsi am, “Yaken rana ya am lamlamsoy na yaken ni Ama do to a meyngaran si Cyapaydi a yana nitovoy a mangay a manci nya jimo so rako a vazay eya.

Locya 2:10

Am maniring jira o tinsi am, “Ji kanyo anyaheyan, ta yamyan so apiya ciriciring a ko ipanci jinyo. O ciriciring rana ya am rako a sarasaray no tao do karawan an.

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 13:23

Si Tawey rana am ineynapo na ni Yeso a nitovoy ni Ama ta do to a mapatazadang jyaten do teyngato a sivosivovoong ni Isedi. Ta ori o nipanci na no kakwa pa ni Ama ta do to.

Nimlivolivon 13:38

Manga kakteh, naknakmen nyo an. No si ji nyo meyhanhanan si Yeso am jyavonas o raraten nyo. O iwawalam na ni Moyse am ji na agag inyo do peyraratenan nyo an. Am yaomanoyong ji Yeso a tao am oyatan na sira a komaro do peyraratenan da.

Nimlivolivon 14:15

“Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Nimlivolivon 26:6

Sicyaraw rana ya am ko myan do tangain nyo a nyo pacicin, ta ko anoyngan o kanoyong na no nipanci na ni Ama ta do to do ineynapo ta do keypirwa da mavyay no nimawakwak a tao.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 5:42

Mangday so araraw kangay da do rako a panaralayan a kado kavahayan a mangnanao so tao a meylimwang no Mapasaray a Ciriciring ni Yeso, do kanoyong na Misayya a nitovoy ni Ama ta do to do teyrahem.

Loma 1:2

O Mapasaray a Ciriciring na ni Ama ta do to am nipatwaw da no panoyonoywan na so ciring na do nivatvatkan da Seysyo no kakwa pa a omagaz do Anak na si Yeso Kizisto a Panirsirngen ta. No hapen do itetngehan ta do tao am iya o sivovoong na ni Tawey.

Loma 10:15

No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

Loma 4:13

O mina ciring na ni Ama ta do to ji Apolahan am itoro na o karawan ji Apolahan a kano sivosivovoong na. Am beken a kahap na ni Apolahan so iwawalam na ni Ama ta do to o peycirngan na sya, ta yamonganay do na kapeyhanhan ni Ama ta do to ni Apolahan. Ori nyabnekan na sya ni Ama ta do to abo so raraten do tangain na.

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.