Nimlivolivon 13:29 - Seysyo No Tao

²⁹ Mangononong rana o nivatvatkan do Seysyo a omagaz ji Yeso am akasen da rana do jyojika kapakakasa da sya do heseb na.

Nimlivolivon 13:29 ပူးပေါင်းရင်းမြစ်များ

Make 15:42

Maseyrem rana do vekhas na no ipeywalam da no tao do Yotay am nimai si Yoseyvo. Iya rana am tao do Adimatay a tey kanig da ori no panipanirsirngen a kararay na. Iya rana am tey saray na no nang o kapananala na so katalamozong na nyaten ni Ama ta do to. Ji na mamman si Pilato. Am ori o yangay na a manci nya ji Pilato so kakas na so kataotao ni Yeso a pakakasahen.

Locya 23:50

Amyan so asa ka tao a meyngaran si Yoseyvo a tao do Yotay a meyvahay do ili a meyngaran so Adimatay. Iya rana ori am tey yapya o iyangay na no nang so icyatatao na a mapapanala so katalamozong na nyaten ni Ama ta do to. Tana mina saod na so keyyan na do asa ka panirsirngen am ji na nipya no nang o mina vazay da si Yeso.

Locya 23:53

Meyratateng am mangay na rana pakasen o kataotao na ni Yeso do jyojika a kapongos na jya no milakayob a yangay do nidokdokan na rana rako a mao. Am abo pa do dang o nimrakeh a tao a.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 19:28

Katenngan na rana ni Yeso o kanikomavos no makakaday a vazay na. Maniring am, “Ko mawaw.” O ikakman na sang am mangay mangononong o ciring do Seysyo.

Yowani 19:30

To na nahamtama ni Yeso. Maniring am, “Yarana nikomavos o vazay ko,” kalogod na rana a mazavat so inawan.

Nimlivolivon 13:27

Am o yameyvahay do Yelosaleng a tao a kano panipanirsirngen da am da jyatenngi si Yeso a nitovoy ni Ama ta do to a mapatazadang jyaten. Tana yamangday do ipeywalam no tao o na keyyan no da mamizing do peyneynozyan da am da jyatenngi o peypeypangayan no nivatvatkan no panoyonoywan na so ciring ni Ama ta do to a omagaz ji Yeso. So nipangononong no mina ciring da no panoyonoywan na so ciring ni Ama ta do to, do mina kapanci da ni Yeso a wakwaken.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Nimlivolivon 26:22

Yato ngai sicyaraw eya o na nisidongan jyaken ni Ama ta do to a meylimwang no ciriciring na do meynakem a tao a kano ipangoyongoyod da tao. O nipeylimwang ko am meyyangay a kano nipeylimwang ni Moyse a kano panoyonoywan na so ciring ni Ama ta do to no kakwa.

Nimlivolivon 4:28

Da pangononongan o mina ciring mo a omagaz do nipamnemnekan mo.

Nimlivolivon 5:30

Si Yeso rana nipadket nyo do jyojika niwakwak nyo am yana rana nivyay no Tao do to da no ineynapo ta.

1 Kedinto 15:4

Nipakakasa da si Yeso. Ikatlo na araw am mirwa a mavyay. So na idket pa do Seysyo no akman sang a ciring.