Nimlivolivon 13:27 - Seysyo No Tao

²⁷ Am o yameyvahay do Yelosaleng a tao a kano panipanirsirngen da am da jyatenngi si Yeso a nitovoy ni Ama ta do to a mapatazadang jyaten. Tana yamangday do ipeywalam no tao o na keyyan no da mamizing do peyneynozyan da am da jyatenngi o peypeypangayan no nivatvatkan no panoyonoywan na so ciring ni Ama ta do to a omagaz ji Yeso. So nipangononong no mina ciring da no panoyonoywan na so ciring ni Ama ta do to, do mina kapanci da ni Yeso a wakwaken.

Nimlivolivon 13:27 ပူးပေါင်းရင်းမြစ်များ

Matay 22:29

Maniring si Yeso jira am, “Yamalas nyo ahapan sya. Ta nyo jyatenngi o Seysyo. Nyo jyatenngi o oyowyat ni Ama ta do to.

Locya 22:34

Maniring si Yeso am, “Mo Pite, ko pa ciring jimo am sicyamahep rana do itazokokok no manok am ipitlo ka omalalas jyaken.”

Locya 23:13

Nilovot na sira ni Pilato o panipanirsirngen no mapatanatanang so nakem da si Ama ta do to a kano kamanrarakehan da tao a kano aro a tao.

Locya 24:20

Iya rana ori am da todey ngapa no panipanirsirngen no mapatanatanang so nakem ta si Ama ta do to a kano aro a panipanirsirngen a wakwaken a kapadket da rana sya do jyojika.

Yowani 15:21

Mamimin o akman sang a alalaw a mangay jinyo, do kamonganay nyo jyaken. Ta ji da tenngi o nimapahanhan jyaken.

Yowani 16:3

O ikakman da sang so vazay jinyo no tao am ji da tenngi si Ama ka nyaken.

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Yowani 8:28

Am ori o nipancyan na nya jira ni Yeso. Maniring jira am, “No si marateng o araraw no padketan nyo so Nipamnekan na ni Ama ta do to a tao do jyojika am katenngan nyo rana yaken a meyngongyod ko a Tao do to. So ko ji mangozai do nakenakem ko. Ta ko pangozayan o nakenakem no yanimapahanhan jyaken a si Ama.

Nimlivolivon 15:21

Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 3:17

“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

1 Kedinto 2:8

O panipanirsirngen do karawan am abo jira o manoyong a makateneng do pamnemnekan na ni Ama ta do to. No nikatenngan da am jyabo kato da padketan so mazway a Panirsirngen ta do jyojika.

2 Kedinto 3:14

Am o onowned da am yakmey kaneban yatodangay sicyaikwaya. Ta no yada vilangan o yamakakaday a vakong do adan a Seysyo am yakman sang a yamabengbeng o onowned da. Ta o macitovong a tao ji Kizisto o ikapakaro no ombengbeng do onowned da.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.