Nimlivolivon 13:25 - Seysyo No Tao

²⁵ Makeykai rana o vazay ni Yowani a komavos am ipanci na jira. Maniring am, ‘Nyo katenngan yaken an? Yaken rana am beken a mapatazadang jinyo do teyngato a nyo pananalahen a mai. Ta yamyan pa so yamai a maizaizay pa ka nyaken. So ikabo no pacicingayan ko jya a omovay so iktan no tokap na.’ ”

Nimlivolivon 13:25 ပူးပေါင်းရင်းမြစ်များ

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Make 1:7

Maniring am, “O manownowjyan pa ka nyaken am mowyowyat pa ka nyaken. Si meylologod ko a omovay so bedbed no tokap na am abo pacicingayan ko jya.

Yowani 1:29

Ikadwa na araw am macita ni Yowani si Yeso a mai. Maniring si Yowani am, “Oya rana am akmey kagling a nitovoy na ni Ama ta do to a omahap so tao do peyraratenan da.

Yowani 1:34

Ko na nimacita. Am ori o ko pancyan nya jinyo o na kanoyong a Anak na ni Ama ta do to.”

Yowani 1:36

Macita na si Yeso a meyhatay am maniring si Yowani am, “Iya rana am akmey kagling ni Ama ta do to.”

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Nimlivolivon 13:36

No kapeyigegen na pa ni Tawey am aro mina vazay na ji Ama ta do to. Mawakwak am patangkeden da o heseb na do heseb da no ineynapo na. So nipacirapa no kataotao na do tana.

Nimlivolivon 19:4

Maniring si Pawlo am, “O nipanaktak na ni Yowani am yongkad da do mina kapamlis da rana so onowned. O nipanci na pa do Isedi a tao ni Yowani am, ‘Anoyngan nyo o yamanownowjyan pa ka nyaken a yamai a meyngaran si Yeso.’ ”

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

Ipaziman 11:7

Mateyka da ipanci o ciring na ni Ama ta do to am arapen na sira no omalalam a apo do gazawagaw a kaharag na sira wakwaken.